దారుణం: సగం సినిమా లీక్ చేసారు, సెకండాఫ్ మొత్తం నెట్ లోనే

టాయ్ లెట్: ఏక్ ప్రేమ్ కథ

బాలీవుడ్ యాక్షన్ హీరో అక్షయ్ కుమార్ తాజా చిత్రం ‘టాయ్ లెట్: ఏక్ ప్రేమ్ కథ' స్వాతంత్ర్య దినోత్సవం సందర్భంగా విడుదల కావాల్సి ఉంది. అయితే, ఈ సినిమా విడుదలకు ముందే లీక్ కావడంతో సినిమా యూనిట్ సభ్యులు షాక్ కు గురయ్యారు. సినిమాకు సంబంధించిన సెకండ్ హాఫ్ మొత్తం లీక్ అయింది. ఈ విషయాన్ని దర్శకుడు రెమో డిసౌజా ధ్రువీకరించాడు.

Recommended Video

Akshay Kumar shares his first LOOK from GOLD; Watch | FilmiBeat

పెన్ డ్రైవ్‌ల్లో ఎక్కించుకుంటున్నారు

ఎలా లీకైంది ఏంటన్న వివరాలు తెలియవు కానీ.. ఆగస్టు 11న ప్రేక్షకుల ముందుకు రావాల్సిన ఈ సినిమా మూడు వారాల ముందే బయటికి వచ్చేసిందన్న సమాచారం దర్శకుడు రెమో డిసౌజాకు తెలిసింది. అతను చేస్తున్న ఓ సినిమా షూటింగ్ సందర్భంగా సెట్లో కొందరు యువకులు ‘టాయిలెట్: ఏక్ ప్రేమ్ కథ' సినిమా గురించి డిస్కస్ చేస్తుండటం.. ల్యాప్ టాప్ లోంచి ఒక్కొక్కరుగా సినిమాను పెన్ డ్రైవ్‌ల్లో ఎక్కించుకుంటుండటం గమనించిన డిసౌజా వెంటనే చిత్ర బృందానికి దీనిపై సమాచారం అందించాడు.

అభిమానులు ఆందోళన చెందొద్దని

ఆ వెంటనే టీమ్ జాగ్రత్తల్లో మునిగి పోయింది. ఇప్పటికిప్పుడు నెట్ లో ఉన్న అన్ని లింకులూ తీసేసే ప్రయత్నాలు మొదలయ్యాయి. పైరసీని అడ్డుకోవడానికి గట్టి ప్రయత్నాలు జరుగుతున్నాయని.. అభిమానులు ఆందోళన చెందొద్దని.. పైరసీకి సంబంధించి ఏ సమాచారం ఉన్నా చెప్పాలని సోషల్ మీడియాలో అక్షయ్ కుమార్ పిలుపునిచ్చాడు.

ప్రధాని మోదీ

ప్రతి ఇంట్లో మరుగుదొడ్డి అవసరమనే సందేశాన్ని ఓ ప్రేమ కథ ద్వారా తెలియజెప్పే ప్రయత్నం చేశారు. ఈ సినిమా పట్ల ప్రధాని మోదీ కూడా అభినందనలు తెలియజేశారు. ఏదేమైనప్పటికీ విడుదలకు ముందే సినిమా లీక్ కావడం దర్శకనిర్మాతలకు టెన్షన్ పుట్టిస్తోంది. గతం లో మన తెలుగులో అత్తారింటికి దారేది సగానికి పైగా.., ఆ తర్వాత ఒక తమిళ సినిమా పూర్తిగా విడుదలకు ముందే ఆన్ లైన్ లో వచ్చేసాయి...