'అలా మొదలైంది' నిర్మాతకి మడతకాజా తినిపిస్తున్న అల్లరి నరేష్

అలా మొదలైంది చిత్రంతో పరిచయమైన రంజిత్ మూవీస్ అధినేత కె.ఎల్.దామోదర్ ప్రసాద్ తొలి చిత్రంతోనే విజయం సాధించారు.దాంతో ఆ ఉత్సాహాన్ని పురస్కరించుకుని ఆయన తదుపరి చిత్రాన్ని అల్లరి నరేష్ తో నిర్మించటానికి సన్నాహాలు చేస్తున్నారు. ఈ చిత్రం ద్వారా అల్లూరి సీతారామరాజు దర్శకుడిగా పరిచయం కానున్నాడు. సుకుమార్, భాస్కర్ వంటి దర్శకులతో కలిసి ఎడిటర్ మోహన్ దగ్గర పరిచయం చేసాడు సీతారామరాజు. ఇక ఈ దర్శకుడు చెప్పిన లైన్ విన్న నిర్మాత వెంటనే ఓకే చేసారు. ఇక ఈ చిత్రానికి టైటిల్ మడతకాజా అని ఫిక్స్ చేసారు. ఈ చిత్రంలో నరేష్...బ్లఫ్ మాస్టర్ తరహాలో వుండే పాత్రను చేయనున్నాడని తెలిసింది. మరో ప్రక్క నరేష్ హీరోగా...వీరభధ్రంని దర్శకుడుగా పరిచయం చేస్తూ రూపొందిన అహనా పెళ్ళంట చిత్రం త్వరలో రిలీజ్ కానుంది.