పోసాని కృష్ణ మురళి ఎలాంటి వ్యక్తో బయట పెట్టిన కమెడియన్ అలీ!

కుటుంబం కష్టాల్లో ఉంటే పెన్ను నమ్ముకుని చెన్నై వచ్చాడు

తన కుటుంబం ఆర్థిక కష్టాల్లో ఉండటంతో ఏదో ఒకటి చేయాలనే కసితో చెన్నై వచ్చి తన పెన్నును, ఇంకును నమ్ముకుని పరుచూరి బ్రదర్స్ వద్ద అసిస్టెంటుగా కొన్నేళ్లు పని చేసి, పోలీస్ బ్రదర్స్ చిత్రం ద్వారా రచయితగా మారారి పాపులర్ అయ్యాడని అలీ గుర్తు చేసుకున్నారు.

ఎవరికీ డబ్బు ఎగ్గొట్టే రకం కాదు

తన టాలెంటుతో పెద్ద హీరోల సినిమాల్లో దక్కించుకుంటూ రైటర్‌ నుంచి దర్శకుడిగా, ఆపై నిర్మాతగా ఎదిగారు. తను నిర్మాతగా సినిమా చేసినపుడు కూడా నేను మీ తోటి కళాకారుడిని కదా.. నేను అంత ఇచ్చుకోలేను, ఇంతకే చేయండి అని ఎప్పుడూ అనలేదు. ఏ ఆర్టిస్ట్ ఎంత తీసుకుంటాడో అంతే ఇచ్చాడు. ఎవరికీ డబ్బులు ఎగ్గొట్టడం లాంటివి చేయలేదు. సినిమా ప్లాప్ అయినా కూడా తన ప్రాపర్టీ అమ్ముకుని అప్పు తీర్చాడే తప్ప నేను డబ్బు ఇవ్వను, ఏం చేస్తారో చేసుకోండి అని ఎప్పుడూ చెప్పలేదని అలీ అన్నారు.

పోసాని అలాంటి వ్యక్తి కాదు

పోసాని చాలా సైలెంటుగా ఉంటాడు. షూటింగుకు వస్తాడు.. తన పని తాను చేసుకుని వెళ్లిపోతాడు. ఇతర ఆర్టిస్టుల గురించి కానీ, రైటర్ల గురించి కానీ ఈ మాటలు అక్కడ, ఆ మాటలు ఇక్కడ ఎప్పుడూ చెప్పేవాడు కాదు. ఎంతో మందికి సాయం చేశాడు కానీ ఎవరికీ చెప్పుకోడు, ఇవన్నీ నేను స్వయంగా చూశానని అలీ తెలిపారు.

అలాంటి మంచి వ్యక్తి కాబట్టే...

పోసాని అలాంటి మంచి వ్యక్తి కాబట్టే భగవంతుడు తనకు నాయక్ అనే సినిమాతో నటుడిగా బ్రేక్ ఇచ్చాడు. దాని తర్వాత టాప్ కమెడియన్ అయిపోయారు. ఇంత మంది కమెడియన్లో అతడు ఏ స్థానంలో ఉన్నారనే విషయం పక్కన పెడితే హ్యూమన్ బీయింగ్‌గా తను జెంటిల్మెన్. ‘ముఖ్యమంత్రి గారు మీరు మాటిచ్చారు' సినిమాను నిర్మిస్తున్న నిర్మాతలకు, నటించిన ఆర్టిస్టులకు ఆల్ ది బెస్ట్. పోసాని కృష్ణ మురళి మరో విజయం అందుకోవాలని కోరుకుంటున్నట్లు అలీ తెలిపారు.