హోమ్

న్యూస్

హైదరాబాద్ : పవన్ కళ్యాణ్ తో 'పంజా' చిత్రం రూపొందించిన నీలిమా తిరుమలశెట్టి తన తదుపరి చిత్రం విడుదలకు ప్లాన్ చేస్తోంది. 'అలియాస్ జానకి' టైటిల్ తో రూపొందిన ఈ చిత్రం జూలై 12న రిలీజ్ కానుంది. ఇప్పటికే విడుదలైన ఈ చిత్రం పాటలు మంచి క్రేజ్ తెచ్చుకున్నాయి.

నిర్మాత మాట్లాడుతూ "పంజా సినిమా తర్వాత ఈ సినిమా ఎందుకు చేస్తున్నావని చాలా మంది అడిగారు. కానీ నేను ఈ సినిమా చేయడానికి పవన్‌కల్యాణ్ కారణం. కొత్త ప్రతిభను ప్రోత్సహించమన్నారు. అందుకే ఈ సినిమా చేశాను. షూటింగ్ పూర్తయింది. త్వరలో పాటల్ని విడుదల చేస్తాం. అందరికీ మంచి పేరు తెచ్చిపెట్టే సినిమా అవుతుంది'' అని అన్నారు. మంచి సినిమా అవుతుందని దర్శకుడు చెప్పారు.

హీరో మాట్లాడుతూ "అలియాస్ జానకి కథకాదు. ఇన్సిడెంట్‌లా ఉంటుంది. రియలిస్టిక్ అప్రోచ్ ఉన్న సినిమా. సాంకేతికంగా అందర్నీ మెప్పిస్తుంది'' అని అన్నారు.

వెంకట్ రాహుల్, అనీషా అంబ్రోస్, శ్రీ రమ్య కీలక పాత్రల్లో నటించిన చిత్రం 'అలియాస్ జానకి'. సంఘమిత్ర ఆర్ట్స్ నిర్మిస్తోంది. తారా అరుళ్‌రాజ్ సమర్పకుడు. నీలిమ తిరుమలశెట్టి నిర్మాత. దయా.కె. దర్శకుడు.

నాగబాబు, తనికెళ్ల భరణి, శివ నారాయణ, భరణి శంకర్, శత్రు, వంశీ రెడ్డి, రమేష్ వేంపల్లి, మీనా కుమారి తదితరులు ఇతర ముఖ్య తారాగణం. ఈ చిత్రానికి సంగీతం: శ్రావణ్, కెమెరా: సుజిత్ సారంగ్, ఎడిటర్: శ్రీజిత్ సారంగ్, ఆర్ట్: హరి వర్మ, నృత్యాలు: దయా.కె, వంశీ కాట్రోజు, యాక్షన్: దయా.కె., సుజిత్ సారంగ్, మాటలు: వంశీ కృష్ణ గద్వాల, వశిష్ట శర్మ, అర్జున్, సుమన్ చిక్కల, స్క్రీన్‌ప్లే-దర్శకత్వం: దయా.కె., సహ నిర్మాత: విక్రమ్.ఎస్