తాజ్ మహల్ పై ఏలియన్స్ దాడి!!

By Staff

Published: Wednesday, November 26, 2008, 16:41 [IST]

అవును ప్రేమకు చిహ్నంగా నిలిచిన తాజ్ మహల్ పైనే ఏలియన్స్ దాడిచేస్తాయి అంటున్నారు The Day the Earth Stood Still అనే హాలీవుడ్ సినిమా దర్శక,నిర్మాతలు. ఆ సైన్స్ ఫిక్షన్ సినిమాలో కాన్సెప్ట్ ప్రకారం ఏలియన్స్ దాడికి ఇండియాలోని తాజ్ మహల్ ని సైతం ఎన్నుకుంటాయి. అప్పుడు హీరో రంగంలోకి దూకి ఎలా సేవ్ చేసాడనేది ఉంటుందంటున్నారు. 1951 లో ఇదే టైటిల్ తో వచ్చిన సినిమాకి ఇది రీమేక్. అయితే కొన్ని సవరణలుతో స్క్రిప్టు తయారు చేసి తీస్తున్నారు.

అసలు ఆ సినిమాలో దాడికి ఎన్నుకున్న కట్టడంగా తాజ్ మహల్ ని ఎందుకు తీసుకోవాల్సిన అవసరం ఏమొచ్చింది అంటే కొంచెం ఆలోచిస్తే విషయం భోధపడుతుంది. మన ఆసియా మార్కెట్ ని సైతం కాప్చర్ చేయటానికి అన్న సమాధానం తడుతుంది. అంటే ఇన్నాళ్ళూ న్యూయార్క్,లిబర్టీ స్టాచ్యూ చుట్టూ తిరిగిన హాలివుడ్ కధలు ఇప్పుడు బారత్ లోని ప్రముఖ స్ధలాలు,కట్టడాలు చుట్టూ తిరగనున్నాయి. అయితే వాటిని రక్షించేది మాత్రం అమెరికన్ హీరోనే. డిసెంబర్ పన్నెండున మన దేశంలో సైతం ఈ సినిమా రిలీజ్ అవుతోంది.

More from Filmibeat