హోమ్

న్యూస్

రాంచరణ్-సుకుమార్ కాంబినేషన్‌లో తెరకెక్కుతున్న క్రేజీ ప్రాజెక్ట్ 'రంగస్థలం' ప్రీ-రిలీజ్ వేడుకులకు అంతా సిద్దమైంది. మార్చి 18వ తేదీ సాయంత్రం 6 గంటలకు విశాఖ సాగరతీరంలో ఈ వేడుక జరగనుంది. కార్యక్రమానికి ముఖ్య అతిథిగా మెగాస్టార్ చిరంజీవి హాజరుకానుండటం విశేషం.

అఖిల భారత చిరంజీవి యువత అధ్యక్షుడు రవణం స్వామినాయుడు, వైజాగ్‌ చిరంజీవి యువత అధ్యక్షుడు పీతల గోవింద్‌ ఈ విషయాలను వెల్లడించారు. ఈ మేరకు బుధవారం వైజాగ్ లోని ఓ హోటల్‌లో సమావేశాన్ని నిర్వహించారు. ప్రీ-రిలీజ్ వేడుకకు భారీ ఎత్తున అభిమానులు తరలిరావాలని పిలుపునిచ్చారు. ఈ కార్యక్రమానికి సినీ రంగానికి చెందిన పలువురు ప్రముఖులు కూడా హాజరవుతారని చెప్పారు.