అల్లరి నరేష్,రవిబాబు చిత్రం టైటిల్ ఇదే

By Srikanya

| Published: Sunday, June 23, 2013, 10:19 [IST]

హైదరాబాద్ : అల్లరి నరేష్‌ హీరోగా రవిబాబు దర్శకత్వంలో ఓ చిత్రం రూపుదిద్దుకొంటున్న సంగతి తెలిసిందే. ఈ సినిమాకు 'లడ్డూబాబు' అనే పేరుని నిర్ణయించినట్లు విశ్వసనీయ సమాచారం. ప్రస్తుతం షూటింగ్ దశలో ఉంది. ఇందులో భూమిక ఓ కీలక పాత్రలో నటిస్తుందని తెలిసింది. చక్రి స్వరాలు అందిస్తున్నారు. త్రిపురనేని రాజేంద్ర నిర్మాత.

అల్లరి నరేష్‌ -రవిబాబు కాంబినేషన్‌లో 'అల్లరి' ఎంతటి సంచలనమో తెలిసిందే. కామెడీ నేరేషన్‌లో సరికొత్త పంథాని తెలుగు తెరకి పరిచయం చేశారు దర్శకుడు రవిబాబు. అయితే ఆ సినిమా తర్వాత నరేష్‌, రవిబాబు ఎవరిదారిలో వారు కెరీర్‌ పయనం సాగించారు. ఇన్నాళ్టికి వీరిద్దరి కలయికలో మరో సినిమాకి రంగం సిద్ధమైంది. ఈ సారి నరేష్‌ని డబుల్‌ రోల్‌లో చూపించడానికి రవిబాబు కసరత్తులు చేస్తున్నారని సమాచారం.

ప్రస్తుతం అల్లరి నరేష్ 'కెవ్వు కేక' చిత్రంలో చేస్తున్నాడు. ఈ చిత్రానికి దేవిప్రసాద్ దర్శకత్వం వహిస్తున్నారు. షర్మిల మాంద్రే కథానాయిక. జాహ్నవి ప్రొడక్షన్స్ పతాకంపై శ్రీమతి నీలిమ సమర్పణలో బొప్పన చంద్రశేఖర్ ఈ చిత్రాన్ని నిర్మిస్తున్నారు. మే నెలలో ఈ సినిమా ప్రేక్షకుల ముందుకు రానుంది.

Comments

English summary

Allari Naresh whose Action 3D hit screens friday is all set to turn Laddu Babu. Naresh is teaming up with Ravi Babu to recreate Allari magic. Buzz is filmmakers are considering Laddu Babu for the title. Allari Naresh is also starring in Kevvu Keka.

Story first published: Sunday, June 23, 2013, 10:19 [IST]

Other articles published on Jun 23, 2013