అతను ఎల్‌కేజీ హీరో

By Staff

| Published: Saturday, January 10, 2009, 14:16 [IST]

Fitting Master — ఫిట్టింగ్ మాస్టర్ గ్యాలరీ

నటుడిగా నేనింకా ఎల్‌కేజీలోనే ఉన్నా అంటూ వినమ్రంగా చెప్పుకొచ్చారు అల్లరి నరేష్‌. జనవరి 14న ప్రేక్షకులకు నవ్వించేందుకు వస్తున్న 'ఫిటింగ్‌ మాస్టర్‌' సినిమా రిలీజ్ సందర్భంగా మీడియాతో మాట్లాడారు. ఆ సందర్బంగా రాజేంద్రప్రసాద్‌తో మిమ్మల్ని పోలుస్తుండటం మీరు ఎలా ఫీలవ్వుతున్నారంటే ..రాజేంద్రప్రసాద్‌ అంకుల్‌తో నన్ను పోల్చడం సంతోషంగా ఉన్నా, దాన్ని నేను ఒప్పుకోను. ఎందుకంటే నటుడిగా ఆయన పిహెచ్‌.డి. చేస్తే, నేనింకా ఎల్‌కేజీలోనే ఉన్నా. ఆయన కేవలం కామెడీ పాత్రలే కాక, ఎన్నో భిన్నమైన పాత్రలు చేసి, వర్సటైల్‌ ఆర్టిస్టని నిరూపించుకున్నారు. చార్లీ చాప్లిన్‌ తర్వాత నేను అభిమానించే నటుడు ఆయనే అన్నారు.

ఇక 'ఫిటింగ్‌ మాస్టర్‌'లో తన పాత్ర గురించి చెబుతూ..సాధారణంగా స్వప్రయోజనాల కోసం తెలిసినవాళ్ల మధ్య ఫిటింగులు పెట్టేవాళ్లను మనం చూస్తుంటాం. కానీ ఈ సినిమాలో వాళ్ల ప్రయోజనాల కోసమే నేను ఫిటింగ్‌ పెడుతుంటా. మొదట బాధపడినా, ఆ ఫిటింగ్‌ ఎందుకు పెట్టానో తెలిశాక వాళ్లు నన్నర్థం చేసుకుని రిలీఫ్‌ ఫీలవుతుంటారు. హీీరోయిన్‌ ప్రేమిస్తున్నానంటూ నా వెంట పడితే, వాళ్లింట్లో పెద్దవాళ్ల పర్మిషన్‌ తీసుకురమ్మంటా. అదీ 'ఫిటింగ్‌ మాస్టర్‌'గా నా పాత్ర తీరు. నాకు మరో వైవిధ్యమైన పాత్ర. అన్నాడు. ఫిటింగ్ మాస్టర్ సినిమా ఇవివి సత్యనారాయణ రూపొందించారు.