ఎంతటోళ్ళనయినా మడతెట్టేస్తానంటున్న అల్లరి నరేష్

అల్లరి నరేష్, కామ్నా జఠ్మలానీ జంటగా బిగ్‌బి ప్రొడక్షన్స్ పతాకంపై ఇ.వి.వి సత్యనారాయణ దర్శకత్వంలో రూపొందుతున్న 'కత్తి కాంతారావు" (ఎవడ్నయినా మడతెట్టేస్తాడు) చిత్రం ప్రస్తుతం డిటిఎస్ పనులను జరుపుకుంటోంది. ఈ చిత్రానికి సంబంధించిన పాటలను ఈనెల 24న విడుదల చేయను న్నారు. ఈ సందర్భంగా ఇవివి మాట్లాడుతూ -ఆద్యంతం వినోదభ రితంగా ఉండే చిత్రమిది. అప్పుల అప్పారావు మాదిరి కుటుం బ సభ్యులందరిని కడుపుబ్బ నవ్విస్తుంది. కానిస్టేబుల్‌నుంచి ఎస్‌ఐ, ఐజివరకు ఎవరినైనా మడతెట్టే కానిస్టేబుల్ పాత్రలో నరేష్ నటించాడు. అతనికి నలుగురు అక్క చెల్లెళ్లు, బావలుంటారు. వారి సమస్యలను ఏ విధంగా పరిష్కరించారన్నదే ఈ చిత్రకథ అని తెలిపారు.

అలాగే అల్లరి నరేష్ తాజాగా మడతకాజా అనే చిత్రాన్ని కూడా కమిటయ్యారు. నరేష్ తండ్రి ఇవివి సత్యనారాయణ వద్ద దర్శకత్వ విభాగంలో పనిచేసిన సీతారామరాజు అనే అసెస్టెంట్ దర్శకుడుగా పరిచయం కానున్నారు. ఇక ఈ చిత్రాన్ని గతంలో టాస్, అధినేత చిత్రాలను నిర్మించి ప్రస్తుతం వరుణ్ తో ఏమైంది ఈ వేళ చిత్రాన్ని నిర్మిస్తున్న రాదామోహన్ ఈ చిత్రాన్ని నిర్మిస్తారు. ఈ చిత్రంలో నరేష్...బ్లఫ్ మాస్టర్ తరహాలో వుండే పాత్రను చేయనున్నాడని తెలిసింది. ప్రస్తుతం నరేష్...కత్తి కాంతారావు చిత్రం షూటింగ్ లో బిజీగా ఉన్నారు. మరో ప్రక్క వీరభధ్రంని దర్శకుడుగా పరిచయం చేస్తూ రూపొందుతున్న అహనా పెళ్ళంట చిత్రంలోనూ నరేష్ చేస్తున్నారు.