అల్లరి నరేష్ 'రాంబాబు గాడి పెళ్లాం' ఏమైంది?

అల్లరి నరేష్, గజాలా, సోనాలీజోషి కాంబినేషన్లో క్రితం వారం విడుదలైన రాంబాబుగాడి పెళ్ళాం చిత్రం డిజాస్టర్ గా మిగిలిపోయింది. ఎప్పుడో ఆరేళ్ళ క్రితం షూటింగ్ పూర్తి చేసుకున్న ఈ చిత్రం ఈ మధ్యనే దుమ్ము దులిపి రిలీజ్ చేసారు. మోహన్ బాబుతో గతంలో శివ శంకర్ చిత్రం రూపొందించిన కాపుగంటి రాజేంద్ర రూపొందించిన ఈ కామిడీ చిత్రంలో జోక్స్ పేలకపోవటం మైనస్ అయితే అల్లరి నరేష్ అప్పటికి ఫరిణితి చెందని నటన మరో నస అని చెప్తున్నారు. బెండు అప్పారావు విజయాన్ని క్యాష్ చేసుకునే దశలో ఈ చిత్రాన్ని రిలీజ్ చేసారని స్పష్టంగా అర్ధమవుతుంది. ఇక ఈ చిత్రంలో మరో తమాషా అంసం ఫిల్మ్ సర్కిల్స్ లో మాట్లాడుకుంటున్నారు. సినిమా నిర్మాతల పేర్లు టైటిల్స్‌లో వేరేవారివి ఉండగా, బయిట వాల్‌పోస్టర్లపై ఇంకొకరివి ఉండటం. అలాగే ఈ చిత్రానికి పెట్టిన ట్యాగ్‌లైన్‌ 'వాడికా ఫీలింగేలేదు" అనేది తెరపై మారి పోయి 'ట్రూత్ ఈజ్ యూత్"గా కనపడింది. ఇవన్నీ గ్యాప్ తర్వాత రిలీజ్ చేసిన చిత్రం కావటం వల్ల వచ్చిన సమస్యలు. ఏదైమైనా సబ్జెక్టులో బలం లేకపోవటంతో సినిమా కూడా పోయింది.