నువ్వా? నేనా? అంటూ శర్వానంద-నరేష్ ఫైట్!

'గమ్యం' సినిమాలో కోస్టార్స్ గా కలిసి నటించిన అల్లరి నరేష్, శర్వానంద్ మరోసారి కలిసి నటించబోతున్న సంగతి తెలిసిందే. ఈ చిత్రానికి నువ్వా? నేనా? అనే టైటిల్ ఖరారు చేసిన ఈ చిత్రంలో హాట్ హీరోయిన్ శ్రియ లీడ్ హీరోయిన్ రోల్ లో కనిపించనుంది. నారాయణ ఈ చిత్రానికి దర్శకత్వం వహిస్తున్నాడు. ఎస్.వి.కె బ్యానర్ పై రూపొందుతున్న ఈ చిత్రం రొమాంటిక్ అండ్ కామెడీ ఎంటర్ టైనర్ గా రూపొందుతోంది.

ఈ చిత్రం గురించి దర్శకుడు మాట్లాడుతూ...రొమాంటిక్ కామెడీ ఎంటర్ టైనర్ గా ఈ చిత్రాన్ని రూపొందిస్తున్నాం. అల్లరి నరేష్, శర్వానంద్ ఇద్దరూ శ్రియను ప్రేమిస్తుంటారు. ఒకరికొకరు పోటీగా ఇద్దరూ శ్రియను ప్లాట్ చేసే ప్లాన్లు వేస్తుంటారు. ఈ క్రమంలో సినిమా వినోదాత్మకంగా సాగుతుందని దర్శకుడు చెప్పుకొచ్చారు. ప్రస్తుతం ఈ సినిమా షూటింగ్ రామోజీ ఫిల్మ్ సిటీలో సాగుతోంది.

శర్వానంద్, అల్లరి నరేష్ కలసి నటించిన 'గమ్యం' అప్పట్లో మంచి విజయం సాధించింది. ఆ చిత్రానికి క్రిష్ దర్శకత్వం వహించారు. తాజాగా ఈ ఇద్దరి కాంబినేషన్ రిపీట్ అవుతుండటంతో ప్రేక్షకుల్లో మంచి అంచనాలున్నాయి. హీరో శర్వానంద్ నటించిన జర్నీ చిత్రం ఇటీవల విడుదలై మంచి విజయం సాధించిన విషయం తెలిసిందే. విజయవంతంగా 30 రోజులు పూర్తి చేసుకుని 50 రోజుల దిశగా దూసుకెలుతోంది.