మల్లన్న సేవలో టాలీవుడ్ అల్లరోడు

హైదరాబాద్ : టాలీవుడ్ హీరో అల్లరి నరేష్ కుటుంబ సమేతంగా శ్రీశైలం మల్లన్నను దర్శించుకున్నాడు. కుటుంబ సభ్యులంతా కలిసి ఆలయంలో నిర్వహించిన ప్రత్యేక పూజా కార్యక్రమాల్లో పాల్గొన్నారు. నరేష్ రాకతో సందడి వాతావరణం నెలకొంది. అభిమానులు ఆయనతో ఫోటోలు దిగారు.

అల్లరి నరేష్ నటించిన 'యాక్షన్' 3డి సినిమా ఈ నెలలో విడుదలకు సిద్ధమవుతున్న నేపథ్యంలో నరేష్ పుణ్యక్షేత్రాలను సందర్శించడం చర్చనీయాంశం అయింది. కెరీర్ బాగా సాగాలని నరేష్ ప్రత్యేక పూజలు నిర్వహించినట్లు తెలుస్తోంది. ఆయన నటించిన 'యాక్షన్' 3డి చిత్రం ఈ నెల 21న విడుదల కానుంది.

ఈ చిత్రం 2డి తో పాటు 3డిలోనూ విడుదల చేస్తున్నారు. ప్రస్తుతం పోస్టు ప్రొడక్షన్ పనులు శరవేగంగా జరుగుతున్నాయి. త్వరలో సినిమా సెన్సార్‌కు వెళ్లనుంది. పూర్తి వినోదాత్మకంగా ఈ చిత్రాన్ని రూపొందించారు. భారతీయ సినీ రంగ చరిత్రలో 3డిలో రూపొందిన తొలి కామెడీ చిత్రం ఇదేకావడం విశేషం.

సునీల్, పోసాని ఈ చిత్రంలో అతిథి పాత్రల్లో కనిపించనున్నారు. రీతూబర్మేచా, కామ్నజఠల్మానీ, బ్రహ్మానందం, ఎమ్మెస్ నారాయణ, అలీ, నాజర్, జయప్రకాష్‌రెడ్డి, మాస్టర్ భరత్, లివింగ్ స్టోన్, మనోబాల, మెయిలీ స్వామి, ఝాన్సీ తదితరులు నటించిన ఈ చిత్రానికి కెమెరా సర్వేష్ మురారి.

3డి స్టిరియోగ్రాఫర్: ఖైత్‌డ్రైవర్, సంగీతం: బప్పా-బప్పీలహరి, ఎడిటింగ్: ఎం.ఆర్.వర్మ, సహనిర్మాతలు: డా. బి.లక్ష్మారెడ్డి, అజయ్ సుంకర, మాటలు: శేఖర్-ఉపేంద్ర పాదాల, పాటలు: భువనచంద్ర, రామజోగయ్యశాస్ర్తీ, సిరాశ్రీ, కేదార్‌నాథ్, సహనిర్మాత: కిషోర్ గరికిపాటి, నిర్మాత: సుంకర రామబ్రహ్మం, కథ, స్క్రీన్‌ప్లే, దర్శకత్వం: అనిల్ సుంకర.