చిరంజీవి, వరుణ్ తేజ్, అల్లు అర్జున్.. మూడు భారీ చిత్రాలు, అల్లు అరవింద్ మెగాప్లాన్!

బన్నితో

అల్లు అర్జున్ తదుపరి చిత్రం సొంత బ్యానర్ లోనే అల్లు అరవింద్ నిర్మించబోతున్నట్లు వార్తలు వస్తున్నాయి. ఆలస్యం జరిగినా మంచి కథకోసం బన్నీ వెయిట్ చేస్తున్నాడు. నా పేరు సూర్య చిత్రం తరువాత ఇంత వరకు బన్నీ తన కొత్త చిత్రాన్ని ప్రకటించలేదు.

మెగాస్టార్ చిరంజీవి

గతంలో మెగాస్టార్ చిరంజీవితో అల్లు అరవింద్ చాలా చిత్రాలు నిర్మించారు. మెగాస్టార్ సినిమాల్లోకి రీఎంట్రీ ఇచ్చిన తరువాత వీరి కాంబినేషన్ లో సినిమా రాలేదు. మెగాస్టార్ తో చిత్రం అంటే ఎంత భారీగా ఉంటుందో ఊహించుకోవచ్చు.

కొరటాల తరువాత

ప్రస్తుతం మెగాస్టార్ సైరా చిత్రంతో బిజీగా ఉన్నాడు. ఈ చిత్రం తరువాత కొరటాల దర్శకత్వంలో నటించబోతున్నట్లు వార్తలు వస్తున్నాయి. కొరటాల చిత్రానికి నిర్మాతలు ఆల్రెడీ ఫిక్స్ అయిపోయారట. దీనితో ఈ చిత్రం తరువాత అల్లు అరవింద్ నిర్మించే చిత్రం ప్రారంభం అవుతుందని అంటున్నారు.

వరుణ్ తేజ్‌తో కూడా

ఇక మెగా ప్రిన్స్ వరుణ్ తేజ్ కూడా దర్శక నిర్మాతలకు క్రేజీ హీరోగా మారిపోతున్నాడు. వరుణ్ తేజ్ తో కూడా ఓ చిత్రానికి అరవింద్ సన్నాహకాలు చేస్తున్నట్లు తెలుస్తోంది.