‘నా పేరు సూర్య’ సినిమాపై కుట్రలు జరుగుతున్నాయి: అల్లు అరవింద్ సంచలనం

Recommended Video

Allu Arjun Talks About His Movie Naa Peru Surya

అందుకే సక్సెస్ మీట్ అని పొగరుగా చెబుతున్నాను

ఒక హానెస్టీ ఉన్న సినిమా చేయాలని బన్నీ చాలా కాలంగా అనుకుంటున్నాడు. మంచి కథ దొరకిందని ఊగిపోతూ మాకు వచ్చి చెప్పాడు. అయితే ఈ దర్శకుడు ఇలా తీస్తాడని మాత్రం నేను అనుకోలేదు. బన్నీకి అతడిపై ఎంత నమ్మకం అంటే.... అతడు ఇంత వరకు కనీసం షార్ట్ ఫిల్మ్ తీయకున్నా డైరెక్టుగా షూటింగుకు వెళ్లిపోయాడు. కథ విన్నప్పటి నుండి అతడిపై ఉన్న కాన్ఫిడెన్స్‌కి రియల్లీ అప్రిషియేట్. బన్నీకి ఎందుకు అంత నమ్మకం అనిపించింది అనేది ఆ సినిమా చూసిన తర్వాత అర్థమైంది. సినిమా చూశాను కాబట్టి చెబుతున్నాను.... ఇపుడు ఎక్కువగా మాట్లాడను, సక్సెస్ మీట్లో మాట్లాడదామని పొగరుగా చెబుతున్నాను.... అని అల్లు అరవింద్ అన్నారు.

దాసరి పుట్టినరోజన సినిమా వస్తోంది

ఇక్కడ మూడు ముఖ్యమైన చిన్న విషయాలు చెప్పాలనుకుంటున్నాను. దాసరి నారాయణరావు గారి పుట్టినరోజున ఈ సినిమా విడుదల కావడం మాకు చాలా గర్వంగా ఉంది. ఆ రోజున డైరెక్టర్స్ డే అని డిక్లేర్ చేయబోతున్నారు. ఆ రోజున మా సినిమా రావడం ఆనందంగా ఉంది... అని అల్లు అరవింద్ అన్నారు.

ఈ సినిమా మీద కుట్రలు జరుగుతున్నాయి

ఫిల్మ్ ఇండస్ట్రీ ఈ మధ్య కుచించుకుపోయేలాగా... మనసుకు బాధ కలిగించే విధంగా, ఇండస్ట్రీలో ఉన్న అందరూ ఎంతో కొంత మదన పడేలాగా కొన్ని విషయాలు జరిగాయి. ఆ విషయాల మీద మేము కొన్ని నిర్ణయాలు తీసుకోవాల్సి వచ్చింది. ఆ నిర్ణయాలు తీసుకోవడం వల్ల కొంత మంది ఈ సినిమాను తప్పుతోవ పట్టించడానికో, మిక్డ్స్ టాక్ తీసుకురావడానికో, విమర్శించడానికో ప్రయత్నిస్తారు. ఆ ప్రయత్నాన్ని దాటగలిగినవారు మీరందరూ, మీ వల్లే అది సాధ్యం... అని మెగా అభిమానులను ఉద్దేశించి అల్లు అరవింద్ వ్యాఖ్యానించారు.

బన్నీ నువ్వు ఈ గొడవతో కనెక్ట్ కావొద్దు

ఈ స్క్రీన్ వెనకాలే కొన్ని ఇన్సిడెంట్స్ జరిగాయి. అందుకే ఒక స్టాండ్ తీసుకోవాల్సి వచ్చింది. ఆ స్టాండ్ తీసుకోవడానికి నమ్మకం మీరందరూ... సినిమా మావుంటే మీరే హర్షిస్తారు, మీరే ఆనందపడతారు. బన్నీ... నీకు ఈ విషయం తర్వాత చెబుతాను, కొన్ని విషయాలు జరుగుతున్నాయి నువ్వు దీనికి కనెక్ట్ కావొద్దు.... అని అల్లు అరవింద్ సూచించారు.

బన్నీ వ్యాస్ ఆయన్నే తీసుకురావాలని పట్టుబట్టాడు

ఈ సినిమాలో హీరోయిన్ ఎంతో అందంగా కనిపించింది. ఈ సినిమా సాంగ్స్ ను నేనే ఎడిటింగ్ రూముకు వెళ్లి రిపీట్ వేసి చూసుకున్నాను. ఈ సినిమాకు సంబంధించి అర్జున్ గారి గురించి ప్రత్యేకంగా చెప్పాలి. ఆయన ఈ క్యారెక్టర్ చేస్తారా? అంటే చేయర్రా అని అన్నాను. కానీ బన్నీ వ్యాస్ ఆయన్నే తీసుకురావాలని పట్టుబట్టాడు. ఎందుకు ఇంత పట్టుబడుతున్నాడు అనేది సినిమా రషెస్ చూసిన తర్వాత అర్థమైంది...అని అరవింద్ తెలిపారు.