యస్..అల్లు అరవింద్ బాస్

By Staff

Published: Tuesday, January 20, 2009, 13:04 [IST]

గీతా ఆర్ట్స్‌ పతాకంపై అల్లు అరవింద్ హిందీలో రూపొందించిన గజనీ రీమేక్ సంచలనం సృష్టిస్తున్న సంగతి తెలిసిందే. ఇప్పటికే దాదాపు రెండువందల కోట్ల పైగా కలెక్షన్స్ వసూలు చేసిన ఈ చిత్రం సక్సెస్ మీట్ ఈ మధ్యనే ముంబయిలో జరిగింది. ఈ సందర్బంగా ప్రింటు చేసిన ఇన్విటేషన్ లో అమీర్ ఖాన్ ...అల్లుఅరవింద్ ని నిర్మాతగా కాక బాస్ గా పేర్కొని ప్రింటు చేయించాడు. అదేంటని అడిగిన వారికి యస్.హీ ఈజ్ ద బాస్ అని సమాధానమిచ్చాడు. ఇక ఇంతటి హిట్ వెనక అల్లుఅరవింద్ ఎన్నో కష్టనష్టాలు ఎదుర్కొన్నారని పేర్కొన్నారు.

మరో ప్రక్క అమీర్‌ సొంత చిత్రం 'తార జమీన్‌పర్‌' చిత్ర షూటింగ్‌ వల్ల , 'గజని' చిత్రం షూటింగ్‌లో ఆయన గాయపడటం వల్ల కొన్ని రోజులు షూటింగ్‌ జరగలేదు. అలాగే రిలీజ్‌కు ముందు కోర్టు కేసులు ఎదుర్కొనవలసి రావడం... ఇత్యాది ఇబ్బందులు ఎదురైనప్పటికీ అధైర్యపడకుండా చిత్రాన్ని పూర్తి చేసి విడుదల చేశారని అరవింద్‌ని అంతా మెచ్చుకున్నారు. అలాగే ఈ సినిమాకి సహ నిర్మాతగా వ్యవహరించిన అరవింద్‌ తనయుడు శిరీష్‌ సినిమా ప్రమోషన్‌ పరంగా, మార్కెటింగ్‌ పరంగా కొత్త పద్దతులు అనుసరించి అందరినీ ఆకట్టుకోవటం ఇవాళ చర్చనీయాంశంగా మారింది.

More from Filmibeat