బ్రేకింగ్: అల్లు అర్జున్-సుకుమార్ మూవీ అనౌన్స్‌మెంట్

మైత్రి మూవీ మేకర్స్ నిర్మాణంలో

ఇంతకు ముందు సుకుమార్ దర్శకత్వంలో ‘రంగస్థలం' లాంటి భారీ బ్లాక్ బస్టర్ మూవీ నిర్మించిన ‘మైత్రి మూవీ మేకర్స్' వారు అల్లు అర్జున్-సుకుమార్ మూవీ నిర్మించబోతున్నారు. త్వరలో ఈ మూవీకికి సంబంధించిన పూర్తి వివరాలు వెల్లడి కానున్నాయి.

బన్నీ-సుకుమార్ 3వ సినిమా

అల్లు అర్జున్-సుకుమార్ కాంబినేసన్లో గతంలో ‘ఆర్య', ‘ఆర్య 2' చిత్రాలు వచ్చిన సంగతి తెలిసిందే. కెరీర్ ప్రారంభంలో బన్నీని స్టార్ హీరో రేంజికి తీసుకెళ్లిన చిత్రం ‘ఆర్య'. మళ్లీ వీరిద్దరి కాంబినేషన్లో సినిమా వస్తుండటంపై అభిమానులు ఆనందం వ్యక్తం చేస్తున్నారు.

సుకుమార్-మహేష్ ప్రాజెక్ట్ లేనట్లేనా?

‘రంగస్థలం' తర్వాత సుకుమార్-మైత్రి మూవీ మేకర్స్.. మహేష్ బాబుతో సినిమా చేయబోతున్నట్లు ప్రకటించారు. అయితే వారు ఇపుడు బన్నీ సినిమాకు షిప్ట్ అవ్వడంతో... మహేష్ బాబు మూవీ ఇప్పట్లో లేనట్లే అని స్పష్టమవుతోంది.

ఈ నెలలోనే త్రివిక్రమ్ మూవీ ప్రారంభం

మరో వైపు అల్లు అర్జున్-త్రివిక్రమ్ కాంబినేషన్లో ప్రారంభం కాబోయే చిత్రం మార్చి చివరి వారంలో లేదా ఏప్రిల్ మొదటి వారంలో లాంచ్ చేసేందు ప్లాన్ చేస్తున్నారు. ఈ ప్రాజెక్టు పూర్తయిన వెంటనే బన్నీ-సుకుమార్ మూవీ ప్రారంభం అవుతుందని టాక్.