ఫస్ట్ టైం అలా చూశా.. రాత్రి రెండు గంటలకు కూడా.. స్నేహారెడ్డిపై బన్నీ కామెంట్స్

సామ్ జామ్ షోలో..

సమంత ఆహా యాప్ కోసం సామ్ జామ్ షో చేస్తోన్న సంగతి తెలిసిందే. అందులో ఇప్పటికే ఎంతో మంది తారలను ఇంటర్వ్యూ చేసింది. క్రిస్మస్ సందర్భంగా చిరంజీవితో చేసిన ఇంటర్వ్యూను ప్రసారం చేశారు. ఇక న్యూ ఇయర్ సందర్భంగా అల్లు అర్జున్‌తో చేసిన ఇంటర్వ్యూను అందుబాటులోకి తెచ్చారు.

ఎన్నెన్నో విషయాలు..

సమంత అడిగిన ఎన్నో ప్రశ్నలకు బన్నీ సమాధానాలు చెప్పాడు. ఆ క్రమంలో బన్నీ తన వ్యక్తిగత విషయాలు, కుటుంబ సంగతులు, చిన్ననాటి అల్లరి పనులు ఇలా ఎన్నింటి గురించో చెప్పాడు. తన పిల్లలపై ప్రేమ, భార్యపై ఉన్న ప్రేమను బయట పెట్టేశాడు.

అయాన్ అంటేనే ఇష్టం..

అయాన్ గురించి బన్నీ మాట్లాడుతూ.. నాకు అయాన్ అంటేనే ఇష్టం.. అయాన్‌తోనే ఎక్కువగా ఉంటాను.. కానీ అయాన్‌కు కెమెరాలన్నా, ఫోటోలు తీయడమన్నా నచ్చదు. కానీ అర్హ మాత్రం వెంటనే వచ్చేస్తుంది.. అందుకే అన్ని ఫోటోలు అర్హతోనే ఉంటాయి.. అందరూ అర్హ అంటేనే ఇష్టమని అనుకుంటారు.. కానీ అయాన్ అంటేనే ఇష్టమని చెప్పుకొచ్చాడు.

నచ్చింది అదే...

అల్లు స్నేహారెడ్డిలో మీకు నచ్చింది ఏమిటి అని సమంత బన్నీని అడిగింది. ఆమెలో డిగ్నిటీ నాకు చాలా నచ్చిందంటూ బన్నీ ఓ విషయాన్ని గుర్తుకు తెచ్చుకున్నాడు. నేను మొదటి సారిగా స్నేహాను నైట్ క్లబ్ పార్టీలో చూశాను అంటూ మొదటి చూపుల గురించి చెప్పాడు.

ఆ సమయంలోనూ అలా..

నైట్ క్లబ్ పార్టీలో చూశాను.. అంత మందిలోనూ ఎంతో డిగ్నిటీగా కనిపించింది.. రాత్రి రెండు అవుతున్నా కూడా అంతే పద్దతిగా కనిపించింది.. ఏ మాత్రం అసభ్యకరంగా కనిపించలేదు.. తనలో నాకు అదే నచ్చింది అంటూ స్నేహారెడ్డి గురించి బన్నీ చెప్పుకొచ్చాడు.