అన్నపూర్ణలో అలాంటి ఘటన.. అందుకే అల్లు స్టూడియో.. నోరు విప్పిన బన్నీ

2020 స్పెషల్..

2020 అందరికీ బ్యాడ్‌గా గడిచినా కూడా మీకు మాత్రం సూపర్‌గా కలిసి వచ్చింది కదా అని బన్నీని అడిగేసింది సమంత. అల వైకుంఠపురములో, బుట్టబొమ్మ, మోస్ట్ సర్చ్డ్ టాలీవుడ్ యాక్టర్, అల్లు స్టూడియో ఇలా ఎన్నో రకాలు కలిసి వచ్చింది కదా? అని సమంత బన్నీ పొగిడేసింది.

2020 కలిసి వచ్చింది..

2020 అందరికీ ఎలా ఉన్నా కూడా తమకు మాత్రం ఎంతో కలిసి వచ్చిందని అల్లు అర్జున్ చెప్పుకొచ్చాడు. ఏడాది ప్రారంభంలోనే అల వైకుంఠపురములో లాంటి సూపర్ హిట్ వచ్చింది అని బన్నీ చెప్పుకొచ్చాడు. సూపర్ హిట్టా? అని సమంత వెరైటీగా అడిగింది. సారీ సారీ బ్లాక్ బస్టర్, ఇండస్ట్రీ హిట్ అంటూ బన్నీ కవర్ చేసేశాడు.

డేవిడ్ వార్నర్ వల్లే..

బుట్టబొమ్మ పాట గురించి బన్నీ మాట్లాడుతూ.. ఆ పాట అంతలా ఫేమస్ అవ్వడానికి సగం కారణం డేవిడ్ వార్నరే అని సరదాగా నవ్వేశాడు. మొన్నా మధ్య మ్యాచ్‌లో కూడా బుట్టబొమ్మ స్టెప్పులేశాడంటూ బన్నీ చెప్పుకొచ్చాడు. మొత్తానికి బుట్టబొమ్మ మాత్రం అన్ని పాటల కంటే ఎక్కువగా హిట్ అయిందని అన్నాడు.

అన్నపూర్ణలో అలా..

అల్లు స్టూడియో కట్టాలని ఎందుకు అనిపించింది అని సమంత అడిగింది. మీకు కూడా స్టూడియోలు ఉన్నాయ్ కదా.. ఓ సారి అన్నపూర్ణ సెవెన్ ఎకర్స్‌లోకి ఎంట్రీ ఇస్తూ ఉంటే.. వెల్కమ్ సర్ అన్నపూర్ణ స్టూడియో అని అన్నారు.. అప్పుడు మాక్కూడా ఓ స్టూడియో ఉంటే బాగుండు కదా అనిపించిందని బన్నీ తెలిపాడు.

సినిమా ఉన్నంత కాలం..

నేను ఉన్నంత కాలం సినిమాలు చేస్తాను.. సినిమాలు ఉన్నంత కాలం స్టూడియోలు కావాలి.. అందుకే లైఫ్ లాంగ్ ఉండే సినిమా స్టూడియో నిర్మించాలని అనుకున్నాం.. అది మాకోసమే కాదు.. ఇండస్ట్రీ అంతటి కోసం.. అన్ని సినిమాలు సౌకర్యకరంగా షూటింగ్ చేసుకునేలా ఉండాలని అనుకుంటున్నానని బన్నీ చెప్పుకొచ్చాడు.