మగాళ్లలో నేనెవరికైనా ఐ లవ్‌ యు అని చెబితే అది: అల్లు అర్జున్

మగాళ్లలో నేనెవరికైనా ఐ లవ్‌ యు అని చెబితే అది సుకుమార్‌కే.సుకుమార్‌ మంచి దర్శకుడు అంటూ సుకుమార్ పై ప్రేమ కురిపించారు అల్లు అర్జున్. నిన్న (సోమవారం)రాత్రి జరిగిన హండ్రెడ్ పర్శంట్ లవ్ ఆడియో పంక్షన్ లో పాల్గొన్న అల్లు అర్జున్ ఈ చిత్రం విజయం సాధించాలంటూ ఇలా స్పందించారు. అలాగే...నాకు బాగా ఇష్టమైన వ్యక్తులు కలిసి పనిచేస్తున్న చిత్రమిది. ఈ కథ నాకు చాలా నచ్చింది. ఇందులో నేనే నటిద్దామనుకొన్నా. 'బద్రినాథ్‌' చేస్తున్నావు కదా... నువ్వొద్దు' అని నాన్న చెప్పారు. ఈ సినిమాని నేను చూశాను. నాగచైతన్యని ఎక్కడికో తీసుకెళ్తుంది. తమన్నా నటన చాలా బాగుంది. తన కెరీర్‌కి ఎంతో ఉపయోగపడుతుందీ చిత్రం అన్నారు అల్లు అర్జున్.