అల్లు అయాన్ బర్త్ డే: సోషల్ మీడియాలో ఫోటోస్ వైరల్!

ఈ సారి హైదరాబాద్‌లోనే

స్టైలిష్ స్టార్ అల్లు అర్జున్, స్నేహా రెడ్డి దంపతులు తమ ముద్దుల కుమారుడిని పుట్టినరోజు వేడుక ఈ సారి ఇంట్లోనే నిర్వహించారు. గత రెండు పర్యారాలు దుబాయ్, గోవాల్లో అయాన్ బర్త్ డే సెలబ్రేషన్స్ జరిగాయి. అయితే ప్రస్తుతం బన్నీ తన తాజా చిత్రం ‘నా పేరు సూర్య'కు సంబంధించిన వ్యవహారాల్లో బిజీగా ఉండటంతో హైదరాబాద్‌లోనే పుట్టినరోజు వేడుక జరిపారు.ఈ సందర్భంగా పిల్లలు, భార్యతో కలిసి దిగిన ఫొటోను అల్లు అర్జున్‌ సోషల్‌మీడియా వేదికగా పంచుకున్నారు. ‘నా బెస్టీకి పుట్టినరోజు శుభాకాంక్షలు. నా బాబు అయాన్‌.. నా సంతోషం‌' అని పోస్ట్‌ చేశారు.

అల్లు అయాన్

2014 ఏప్రిల్ 3న అల్లు అయాన్ జన్మించిన సంగతి తెలిసిందే. నేటితో అయాన్ 4వ వసంతంలోకి అడుగు పెట్టాడు. సినిమా కుటుంబంలో పుట్టడంతో పుట్టుకతోనే అల్లు అయాన్ స్టార్ కిడ్ అయిపోయాడు. సోషల్ మీడియాలో అయాన్‌ను విష్ చేస్తూ మెగా అభిమానుల నుండి సందేశాలు వెల్లువెత్తుతున్నాయి.

చెర్రీ మామ గెటప్‌లో

'రంగస్థలం' పాటలు వింటూ బన్నీ కొడుకు ఇంట్లో గోల గోల చేయడంతో రంగస్థలంలో తన గెటప్ లాంటి దుస్తులను రెండు జతలు కుట్టించి అల్లుడికి గిఫ్టుగా పంపారు చరణ్. చెర్రీ మాదిరిగా లుంగీ కట్టుకుని అయాన్ ఫోజులు ఇచ్చిన ఫోటోలు సోషల్ మీడియాలో వైరల్ అయిన సంగతి తెలిసిందే.

ఇప్పటి నుండే సినిమాలపై ఆసక్తి

తన చుట్టూ సినిమా వాతావరణం ఉండటం.....ఇంట్లో అందరూ సినిమా రంగానికి చెందిన వారే కావడంతో అల్లు అయాన్ ఈ వయసు నుండే సినిమాలపై ఆసక్తి పెంచుకుంటున్నాడు. అయాన్ వాలకం చూస్తుంటే భవిష్యత్తులో పెద్ద స్టార్ అవ్వడం ఖాయంగా కనిపిస్తోంది.

అల్లరి పిల్లాడు

మెగా ఫ్యామిలీలో ఉండే అందరి పిల్లల కంటే అల్లరి పిల్లాడిగా అల్లు అయాన్ గుర్తింపు పొందాడు. రంగస్థలం పాటలు విడుదలైన తర్వాత అయాన్ గోల తట్టుకోలేక రామ్ చరణ్‌కు ఫోన్ చేసి మా వాడిని మీ ఇంటికి పంపిచేస్తాను అని అన్నాడంట.... అయాన్ గోల ఏ స్థాయిలో ఉందో అర్థం చేసుకోవచ్చు.