ఇది కూడా గొడవేనా? బన్నీని అనవసరంగా టార్గెట్ చేస్తున్నారే...

ప్రో కబడ్డీ వ్యవహారంలో

ప్రొ కబడ్డీ లీగ్‌‌లో ‘తమిళ తలైవార్'జట్టును రామ్ చరణ్ తేజ్, బన్నీ కలిసి కొనుగోలు చేశారు. తమ జట్టుకు బ్రాండ్ అంబాసిడర్ గా కమల్ హాసన్‌ ను నియమించారు. ఈ నేపథ్యంలో జట్టు ప్రమోషన్ కోసం ఈ ముగ్గురూ కలిసి చెన్నైలో జట్టు ప్రారంభోత్సవ కార్యక్రమం నిర్వహించారు. ఈ సందర్భంగా ఈ వివాదం తెరపైకి వచ్చింది.

మీడియా సమావేశంలో బన్నీ ప్రవర్తనే కారణం

తమిళ తలైవార్ జట్టును పరిచయం చేసే క్రమంలో కమల్, రామ్ చరణ్, అల్లు అర్జున్ ప్రెస్ మీట్ నిర్వహించారు. అయితే వేదికపై కమల్ హాసన్, రామ్ చరణ్ తేజ్ మామూలుగానే కూర్చున్నారు. కానీ, అల్లు అర్జున్ మాత్రం కాలుమీద కాలేసుకుని కూర్చున్నాడు. ఇది తమిళ అభిమానుల ఆగ్రహానికి కారణమైంది.

ఇదేనా మర్యాద?

కమల్ హాసన్ లాంటి దిగ్గజ నటుడి ముందు అల్లు అర్జున్ కాలుమీద కాలేసుకుని కూర్చునేంత పెద్ద నటుడైపోయాడా? లెజెండరీ నటుడే ఒద్దికగా కూర్చుంటే...అల్లు అర్జున్ అలా కూర్చోవడమేంటి? సీనియర్లకు గౌరవం ఇవ్వడం కూడా తెలియదా? అంటూ సోషల్ మీడియాలో విరుచుకుపడుతున్నారు.

సిల్లీ లొల్లి

అసలు ఇలా కూర్చోవడం వివాదం అవుతుందని అటు బన్నీ కానీ, ఇటు కమల్ హాసన్ గానీ ఊహించి ఉండరు. ఈ సిల్లీ లొల్లిని చూసి మెగా అభిమానులు సైతం విస్తుపోతున్నారు. తమిళనాడులో ఇలాంటి అభిమానులు కూడా ఉంటారా? అంటూ విస్మయం వ్యక్తం చేస్తున్నారు.

బన్నీ ఫ్యా,న్స్ కౌంటర్

కమల్ హాసన్ తమిళ ఫ్యాన్స్ చేస్తున్న విమర్శలకు బన్నీ అభిమానులు తగిన కౌంటర్ ఇచ్చే ప్రయత్నం చేస్తున్నారు. ఇలాంటి చిన్న చిన్న వివాదాలు మొగ్గలోనే తుంచేయాలని, లేక పోతే తర్వాత ఇవే పెద్ద గొడవలుగా మారుతాయని అంటున్నారు.