భార్యతో కలిసి ముంబైలో డేట్‌కు వెళ్లిన అల్లు అర్జున్!

ముంబైలోనూ బన్నీపై మీడియా అటెన్షన్

ముంబై రెస్టారెంట్ నుండి అల్లు అర్జున్ తన భార్యతో బయటకు రాగానే అక్కడ ఉన్న మీడియా ఫోటోగ్రాఫర్ల అటెన్షన్ ఈ జంట వైపు మళ్లింది. బన్నీ నటించిన సినిమాలు హిందీలో కూడా డబ్ అయి విడుదలవుతుండటం వల్ల అక్కడ కూడా బన్నీకి పాపులారిటీ పెరుగుతుంది అనడానికి ఇదొక నిదర్శనం.

అందుకే ముంబైకి...

హైదరాబాద్‌లో డిన్నర్ డేట్ వెళదామంటే ఏ హోటల్ వెళ్లినా, ఏ రెస్టారెంట్ వెళ్లినా..... అభిమానుల చుట్టూ చేరి హడావుడి చేస్తుంటారు. ప్రైవసీ కోసమే బన్నీ తన భార్యతో కలిసి ముంబైకి డిన్నర్ డేట్ వెళ్లినట్లు తెలుస్తోంది.

రిలాక్స్‌గా కథలు వింటున్న బన్నీ

‘నా పేరు సూర్య' సినిమా తర్వాత అల్లు అర్జున్ అఫీషియల్‌గా ఏ సినిమాకు కమిట్ కాలేదు. రొటీన్ కథతో కాకుండా భిన్నమైన, బాక్సాఫీసు వద్ద బాగా వర్కౌట్ అయ్యే కథతో నెక్ట్స్ సినిమా మొదలు పెట్టాలని అల్లు అర్జున్ ప్లాన్ చేసుకుంటున్నారు.

నా పేరు సూర్య

‘నా పేరు సూర్య' బాక్సాఫీసు వద్ద యావరేజ్‌గా ఆడినప్పటికీ..... బన్నీ పెర్ఫార్మెన్స్‌కు మంచి మార్కులు పడ్డాయి. ఈ సినిమా కోసం బన్నీ పడ్డ కష్టం తెరపై స్పష్టంగా కనిపించింది. అయితే ప్రేక్షకులు ఊహించిన స్థాయిలో కథ ఉండక పోవడంతో అనుకున్న ఫలితాలు సాధించలేదు. అందుకే తన తర్వాతి సినిమా విషయంలో బన్నీ తగిన జాగ్రత్తలు తీసుకుంటున్నారు.