గుణశేఖర్ సుడి అల్లు అర్జున్ తిప్పుతాడా?

By Staff

| Published: Thursday, October 16, 2008, 15:22 [IST]

అల్లు అర్జున్,గుణ శేఖర్ కాంబినేషన్ ఫిల్మ్ దీపావళి కి ఫ్రారంభం కానుందని తెలుస్తోంది. డి.వి.వి దానయ్య భారీ బడ్జెట్ తో నిర్మించనున్న ఈ చిత్రంలో బన్నీని ప్రత్యేకపాత్రలో చూపటానికి ఫొటో సెషన్ నిర్వహించారని సమాచారం. మాస్ అంశాలు పుష్కలంగా ఉన్న స్క్రిప్టుతో ఒక్కడు రేంజి కథతో గుణశేఖర్ ఈ సినిమాను రూపొందించటానికి సన్నాహాలు చేస్తున్నారు. సైనికుడు డిజాస్టర్ తర్వాత గుణశేఖర్ సినిమా ఒక్కటి కూడా ప్రారంభం కాలేదు. అప్పటివరకూ ఆయన చుట్టూ తిర్గిన వాళ్ళే ఆయన వరస ఫ్లాఫులివ్వటంతో మెహం చాటేసారు.

ఇక ఆ మధ్య ఆయన భారీ చిత్రాల నిర్మాత ఎమ్.ఎస్.రాజు తో కలసి సాధు చిత్రాన్ని బాలకృష్ణ హీరోగా చెయ్యబోతున్నాడని వార్తలు వచ్చాయి. అయితే అదీ మెటీరియలైజ్ కాలేదు. తర్వాత గోన గన్నారెడ్డి కథ నాగార్జున కి నచ్చిందని ఆయన చెయ్యబోతున్నారని వార్తలు వచ్చాయి. అయితే ఏమైందో ఏమో నాగార్జున నేను వేరే కింగ్ కథ చేసుకుంటానని శ్రీను వైట్ల కి డేట్స్ ఇచ్చారు. దాంతో పరాజయం ఎంత పరాభవాల్ని అందిస్తుందో అవగాహన చెందిన గుణశేఖర్ మొదట మనస్తాపం చెందినా ఇప్పుడు తేరుకుని మంచి సబ్జెక్టుతో అల్లు అరవింద్ ని మెప్పించి అల్లు అర్జున్ డేట్స్ సంపాదించాడని చెప్తున్నారు. దాంతో గుణశేఖర్ సుడి వరస హిట్స్ తో ముందుకెళ్తున్న అల్లు అర్జున్ తో తిర్గనుందని అంతా అంటున్నారు.బెస్టాఫ్ లక్ గుణ శేఖర్..