కత్రినా కైఫ్, కరీనా కపూర్‌లతో కలిసి అల్లు అర్జున్

స్టయిలిష్ స్టార్ అల్లు అర్జున్ బాలీవుడ్ స్టార్ హీరోయిన్స్ కత్రినా కైఫ్, కరీనా కపూర్‌ల‌తో కలిసి ఓ కార్యక్రమంలో పాల్గొన బోతున్నారు. కొచ్చి లోని ఏమ్మాన్యుయాల్ స్టోర్‌ని ఓపెన్ చెయ్యటానికి కత్రినా మరియు కరీనాలతో పాటు అల్లు అర్జున్ కి కూడా ఆహ్వానం అందింది. మార్చ్ 25న ఈ స్టోర్ ని ప్రారంభించబోతున్నారు. కేరళలో అల్లు అర్జున్‌కి మంచి ఫ్యాన్ ఫాలోయింగ్ ఉన్న నేపథ్యంలో అతనికి ఈ అవకాశం దక్కింది.

ప్రస్తుతం అల్లు అర్జున్ త్రివిక్రమ్ దర్శకత్వంలో ఓ చిత్రంలో నటిస్తున్నాడు. ఇందులో ఇలియానా హీరోయిన్ గా నటిస్తోంది. బన్నీ త్వరలో సెల్వరాఘవన్ దర్శకత్వంలో ఓ సినిమా చేయబోతున్నాడు.ఈ చిత్రంలో కమల్ హాసన్ కూతురు శృతి హాసన్ హీరోయిన్ గా ఎంపికైనట్లు తెలుస్తోంది. ఈ చిత్రాన్ని తెలుగు, తమిళంలో ఒకేసారి రూపొందించి విడుదల చేయాలనే ఆలోచనలో సెల్వరాఘవన్ ఉన్నట్లు తెలుస్తోంది.