For Quick Alerts
    ALLOW NOTIFICATIONS  
    For Daily Alerts

    అల్లు అర్జున్, సురేంద్రరెడ్డి చిత్రం టైటిల్

    By Srikanya
    |

    హైదరాబాద్ : అల్లు అర్జున్, సురేంద్ర రెడ్డి కాంబినేషన్ లో కొత్త చిత్రం విజయదసమి రోజున( అక్టోబర్ 24)న ప్రారంభమైంది. ఈ చిత్రానికి 'రేసు గుర్రం' అనే టైటిల్ పరిశీలనలో ఉన్నట్లు సమాచారం. నల్లమలుపు బుజ్జి నిర్మించే ఈ చిత్రం రామానాయుడు స్టూడియోస్ లో ప్రారంభమైంది. లక్ష్మి నరసింహ ప్రొడక్షన్స్ బ్యానర్ పై రూపొందుతున్న ఈ చిత్రానికి తమన్ సంగీతం అందిస్తున్నారు. ఈ లాంచింగ్ సెర్మనీకి మెగాస్టార్ చిరంజీవి హాజరయ్యారు.

    శ్యామ్ ప్రసాద్ రెడ్డి కెమెరా స్విచ్ ఆన్ చేసారు. వివి వినాయిక్ తొలి షాట్ కు గౌరవ దర్శకత్వం వహించారు. చిరంజీవి క్లాప్ కొట్టారు. ఈ సందర్భంగా రచయిత వక్కంతం వంశీ మాట్లాడుతూ... అల్లు అర్జున్, సురేంద్రరెడ్డి కాంబినేషన్ లో పనిచేయటం నాకు చాలా సంతోషంగా ఉంది. పూర్తి స్ధాయి యాక్షన్ ఎంటర్టైనర్ గా చిత్రం రూపొందుతుంది. ఈ చిత్రం మంచి విజయం సాధిస్తుందని నమ్మకం ఉంది అన్నారు.

    సహ నిర్మాత డాక్టర్ వెంకటేశ్వరరావు మాట్లాడుతూ...బన్నీతో కలిసి పనిచేయటం చాలా ఆనందంగా ఉంది. ఈ చిత్రం ఘన విజయం సాధించాలని కోరుకుంటున్నాను. రెగ్యులర్ షూటింగ్ డిసెంబర్ నుంచి ప్రారంభం అవుతుంది అన్నారు. ఈ లాంచింగ్ పంక్షన్ లో సినీ ప్రముఖులు అల్లు అరవింద్,నాగబాబు,డి రామానాయుడు, కె రాఘవేంద్రరావు, శ్యామ్ ప్రసాద్ రెడ్డి, అల్లు అర్జున్, వక్కంతం వంశీ తదితరులు పాల్గొన్నారు.

    ప్రస్తుతం అల్లు అర్జున్ పూరీ జగన్నాధ్ 'ఇద్దరమ్మాయిలతో' టైటిల్ తో ఓ సినిమా చేస్తున్నారు .'ఇద్దరమ్మాయిలతో' అనే సినిమా టైటిల్ ట్రేడ్ లో క్రేజ్ తెచ్చిపెట్టింది. ఎప్పుడూ వెరైటీ టైటిల్స్‌తో సినిమాలు చేసే పూరి జగన్నాథ్ ఈ చిత్రానికి స్క్ర్రిప్టుని డిఫెరెంట్ గా పూర్తి స్ధాయి వినోదం తో సమకూర్చినట్లు సమాచారం. గతంలో వీరిద్దరూ కలిసి 'దేశముదురు' సినిమా చేశారు. అది అర్జున్‌కు మాస్ ఇమేజ్‌ను పెంచింది. ఈ చిత్రం గురించి పూరి జగన్నాథ్ తెలియజేస్తూ "ఈ కథ విని బన్ని ఎంతో ఎగ్జయిట్ అయ్యాడు. ఇద్దరమ్మాయిలతో బన్ని చేస్తున్న రొమాంటిక్ ఎంటర్‌టైనర్ ఇది. మా కాంబినేషన్‌లో మరో విభిన్న చిత్రంగా ఇది రూపొందనుంది'' అని చెప్పారు.

    English summary
    Allu Arjun will be starting his new movie under the direction of Surender Reddy. Buzz says, makers of the movie are considering 'Race Gurram'. This new film was launched at Ramanaidu Studios in Hyderabad. The film will be produced by Nallamalupu Srinivas (Bujji) and Dr Venkateswara Rao on the banner Lakshmi Narasimha Productions banner, Music for this film will be scored by S S Thaman.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X