Pushpa: పుష్ప మరో నేషనల్ రికార్డు.. ఇండియాలోనే ఏకైక మూవీ.. 8 రోజుల్లోనే అన్ని లక్షల మంది చూశారా!

‘పుష్ప'గా ఎంట్రీ ఇచ్చిన బన్నీ

ఐకాన్ స్టార్ అల్లు అర్జున్ హీరోగా సుకుమార్ తీసిన సినిమానే 'పుష్ప'. ఈ చిత్రాన్ని మైత్రీ మూవీ మేకర్స్ నిర్మించింది. కన్నడ పిల్ల రష్మిక మందన్నా ఇందులో హీరోయిన్‌గా నటించింది. మలయాళ స్టార్ హీరో ఫహద్ ఫాసిల్ విలన్‌గా చేశాడు. టాప్ మ్యూజిక్ డైరెక్టర్ దేవీ శ్రీ ప్రసాద్ దీనికి సంగీతం అందించాడు. సునీల్, అనసూయ ఈ సినిమాలో నెగెటివ్ షేడ్స్ రోల్స్‌ను చేశారు.

బన్నీ కెరీర్‌లోనే భారీ రిలీజ్ ఇదే

క్రేజీ కాంబినేషన్‌లో రూపొందిన 'పుష్ప' మొదటి భాగంపై ఎన్నో అంచనాలు ఉన్నాయి. అందుకు అనుగుణంగానే ఈ సినిమా హక్కులకు అన్ని ప్రాంతాల్లో భారీ డిమాండ్ ఏర్పడింది. అందుకు అనుగుణంగానే అన్ని ఏరియాల రైట్స్ కలిపి రికార్డు స్థాయిలో రూ. 145 కోట్లకు అమ్ముడయ్యాయి. ఇక, ఈ చిత్రం ప్రపంచ వ్యాప్తంగా 3000 వేలకు పైగానే థియేటర్లలో రిలీజ్ అయింది.

అన్ని చోట్లా హవా చూపించాడుగా

ఎంతో ప్రతిష్టాత్మకంగా తెరకెక్కిన 'పుష్ప' మూవీ ఎన్నో అంచనాలతో ఐదు భాషల్లో విడుదలైంది. దాదాపు అన్ని ఏరియాల్లోనూ ఈ చిత్రానికి మంచి స్పందన వచ్చింది. దీంతో థియేటర్లు మొత్తం హౌస్‌ఫుల్ బోర్డులతో కళకళలాడుతున్నాయి. ఇక, ఈ సినిమా అల్లు అర్జున్ 'వన్ మ్యాన్ షో'గా వచ్చి ప్రపంచ వ్యాప్తంగా అదిరిపోయే టాక్‌తో విజయం దిశగా హవాను చూపిస్తూనే ఉంది.

కలెక్షన్ల వర్షం... 200 కోట్లతో రచ్చ

చాలా గ్యాప్ తర్వాత అల్లు అర్జున్ - సుకుమార్ కలయికలో వచ్చిన 'పుష్ప' మూవీకి అన్ని ప్రాంతాలు, భాషల్లోనూ భారీ రెస్పాన్స్ దక్కింది. దీంతో వీకెండ్ పూర్తయ్యే సరికి రికార్డు స్థాయిలో కలెక్షన్లు వచ్చాయి. కొన్ని ఏరియాల్లో ఆల్‌టైం రికార్డులు కూడా నమోదయ్యాయి. ఇక, ఎనిమిది రోజుల్లోనే ఈ మూవీ రెండు వందల కోట్ల రూపాయలకు పైగా గ్రాస్‌ను కూడా అందుకుంది.

పుష్ప పేరిట మరో నేషనల్ రికార్డ్

ఎన్నో అంచనాలతో ప్రేక్షకుల ముందుకు వచ్చిన 'పుష్ప' మూవీ అనుకున్నట్లుగానే అదరగొడుతోంది. ఈ మూవీ రెండో వారంలోకి వెళ్లినా రెస్పాన్స్‌ను మాత్రం అదే రీతిలో అందుకుంటూ దూసుకుపోతోంది. ఈ ప్రయాణంలో ఈ సినిమా పేరిట ఎన్నో రికార్డులు నమోదైన విషయం తెలిసిందే. ఈ క్రమంలోనే తాజాగా అల్లు అర్జున్ మూవీ పేరిట మరో నేషనల్ రికార్డ్ వచ్చి చేరింది.

8 రోజుల్లోనే అన్ని లక్షల మంది

'పుష్ప' సినిమా విడుదలై నిన్నటికి ఎనిమిది రోజులు పూర్తయ్యాయి. ఇప్పటి వరకూ ఈ సినిమాకు సంబంధించి బుక్‌మైషోలో 3.50 మిలియన్ టికెట్లు అమ్ముడయ్యాయి. అంటే అక్షరాలా 35 లక్షల మంది బుక్‌మైషో ద్వారా ఈ సినిమాను వీక్షించారు. ఈ ఏడాదిలో ఇప్పటి వరకూ ఏ సినిమాకూ ఈ రేంజ్‌లో టికెట్లు అమ్ముడవలేదు. దీంతో బన్నీ మూవీ పేరిట నేషనల్ రికార్డు నమోదైంది.