హోమ్

న్యూస్

అల్లు అర్జున్ నటించిన 'ఆర్య 2' చిత్రంలో 'రింగ రింగ" అనే ఐటమ్ సాంగ్ ఎంత పాపులర్ అయ్యిందో అందరికీ తెలిసిందే. ఐటమ్ సాంగ్స్ ల్లో ఓ ప్రత్యేకతను సంతరించుకున్న ఈ పాటకు ప్రస్తుతం జరుగుతున్న ఐపీఎల్4 క్రికెట్ మ్యాచ్ లో ఇటీవల షారుఖ్ ఖాన్ కూడా స్టెప్స్ వేశాడంటే ఈ పాట పాపులారిటీ గురించి ప్రత్యేకంగా చెప్పక్కర్లేదు. కాగా ఇప్పుడు ఈ పాట సల్మాన్ ఖాన్ కు తెగ నచ్చేసింది. ప్రస్తుతం అసిన్ తో తను కలిసి నటిస్తున్నచిత్రంలో ఈ పాట పెట్టుకుంటున్నాడు. ఈ పాటకు హిందీలో కూడా దేవీశ్రీప్రసాదే సంగీతం సమకూర్చుతున్నాడు. కాగా రామ్, జెనీలియా జంటగా నటించిన తెలుగు చిత్రం 'రెడీ"కి రీమేక్ గా రూపొందుతున్న చిత్రంలోనే సల్మాన్ ఈ పాటను పెట్టుకోవడం మరో విశేషం.