'ఆర్య-2' లో అల్లు అర్జున్ పాత్ర ఎలా ఉంటుందంటే...

By Srikanya

Published: Thursday, November 26, 2009, 15:51 [IST]

అల్లు అర్జున్,సుకుమార్ కాంబినేషన్లో వస్తున్న ఆర్య-2 చిత్రంలో తన పాత్ర గురించి బన్నీ మీడియాతో మాట్లాడుతూ చెప్పుకొచ్చాడు. అతని మాటల్లోనే....ఈ చిత్రంలో నా పాత్ర తీరు చాలా గందరగోళంగా ఉంటుంది. ఆర్యలో ఇతరుల్ని తికమకపెట్టే ఆర్య ఇందులో తనే అయోమయంగా ఉంటాడు. సాఫ్ట్‌వేర్‌ కంపెనీలో ఉద్యోగం చేస్తుంటాడు. ఒక్కమాటలో చెప్పాలంటే తనవారికోసం ప్రాణమిచ్చే రకం. కాకపోతే అందరినీ తనవారని అనుకుంటాడు. ఇంతకుమించి ఏమీ చెప్పలేను అన్నారు.

ఇక టైటిల్ పెట్టడం గురించి చెపుతూ...అసలు 'ఆర్య'కి, 'ఆర్య-2'కి సంబంధమే ఉండదు. పూర్తిగా భిన్నమైన కథ. కాకపోతే నేను, సుకుమార్‌ కలిసింది 'ఆర్య' చిత్రంతో. ఆ సినిమా పేరు మాకు చాలా ఇష్టం. మళ్ళీ ఇద్దరం కలిసి పనిచేస్తున్నాం కాబట్టి 'ఆర్య-2' అని వర్కింగ్‌ టైటిల్‌ అనుకున్నాం. కానీ చివరికి దాన్నే ఖరారు చేశాం అన్నారు. విపరీతమైన అంచనాల మధ్య ఆర్య-2 చిత్రం ఈ నెల 27న విడుదలవుతోంది. బెస్టాఫ్ లక్ సుకుమార్ అండ్ బన్నీ...

More from Filmibeat