'హిందీ'లోనూ దుమ్మురేపుతున్న బన్నీ 'డీజే': పదికోట్లకు పైగా వ్యూస్..

పదికోట్లకు పైగా వ్యూస్:

గోల్డ్‌ మైన్స్ టెలీ ఫిలింస్‌ యూట్యూబ్‌ చానల్‌ ద్వారా 'డీజే' సినిమాను యూట్యూబ్‌లో రెండు నెలల క్రితం అప్‌లోడ్ చేశారు. కేవలం 71రోజుల్లోనే ఈ సినిమాకు పదికోట్లకు పైగా వ్యూస్ రావడం విశేషం. ఈ విషయాన్ని దర్శకుడు హరీష్ శంకర్ తన ట్విట్టర్ ద్వారా వెల్లడించారు. సినిమాను ఆదరించిన ప్రేక్షకులకు ధన్యవాదాలు తెలిపారు.

వరుస హిట్స్:

'రేసుగుర్రం', 'సన్నాఫ్ సత్యమూర్తి', 'సరైనోడు', వంటి వరుస బ్లాక్ బస్టర్స్ హిట్స్ తో దూసుకుపోతున్న బన్నీ ఖాతాలో'డీజే' మరో హిట్చిత్రంగా నిలిచింది. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ సినిమాను నిర్మించారు.

బ్రాహ్మణుడి పాత్రలో:

డీజేలో బన్నీ తొలిసారిగా పౌరోహిత్యం చేసే బ్రాహ్మణుడి పాత్రలో కనిపించారు. అన్యాయాన్ని సహించని యువకుడి పాత్రలో బన్నీ నటన ఆకట్టుకుంటుంది. బన్నీ మార్క్ కామెడీ, యాక్షన్‌తో పాటు హరీష్ శంకర్ మాస్ కమర్షియల్ టేకింగ్‌తో ఈ సినిమా బాక్స్ ఆఫీస్ వద్ద మంచి కలెక్షన్లు రాబట్టింది.

పాట వివాదం:

డీజే సినిమాలోని 'అస్మైక యోగ త‌స్మైక భోగ‌' అనే పాటలో 'నమకం.. చమకం..' అనే పదాలు అభ్యంతరకరంగా ఉన్నాయన్న అప్పట్లో బ్రాహ్మణ సామాజికవర్గం వారు దీనిపై నిరసన వ్యక్తం చేశారు. చివరకు నిర్మాతలతో వారితో కూర్చొని వివాదాన్ని సద్దుమణిగించేలా పాటలో పదాల్ని మార్చి రాయించారు.