Click it and Unblock the Notifications
ఇదీ దేశసేవే : అల్లు అర్జున్(వీడియో)
హైదరాబాద్ : గత కొద్ది రోజులుగా ఫిల్మ్ సర్కిల్స్ లోనూ, బయిట సినీ అభిమానుల్లోనూ ఒకటే టాపిక్. అది అల్లు అర్జున్ షార్ట్ ఫిల్మ్ చేస్తున్నాడట. అలా అందరిలో అంచనాలు రేపిన షార్ట్ ఫిల్మ్ వచ్చేసింది. ఇంతకీ ఆ షార్ట్ ఫిల్మ్ లో ఏముంది.....
సెల్ఫోన్ మాట్లాడుతూ బండి నడపడం, పరీక్షల్లో కాపీ కొట్టడం, చెత్తను రోడ్డుపై పడేయడం, సెలబ్రిటీలకు అసాధారణ సౌకర్యాలు కల్పించడం... ప్రస్తుతం సమాజంలో మామూలైపోయిన నిర్లక్ష్య ధోరణులివి. వీటిని నిలువరించడం అంటే కర్తవ్యాన్ని సక్రమంగా నిర్వర్తించడమే. ఇదీ దేశసేవ కిందకే వస్తుందంటున్నారు అల్లు అర్జున్. ఆయన స్వీయ నిర్మాణంలో నటిస్తూ ఓ లఘుచిత్రాన్ని రూపొందించారు. 'ఐ యామ్ దట్ ఛేంజ్' పేరుతో తెరకెక్కిన ఈ లఘుచిత్రానికి సుకుమార్ దర్శకుడు. దీన్ని గురువారం రాత్రి హైదరాబాద్లో విడుదల చేశారు. మీరూ చూడండి
<center><iframe width="100%" height="315" src="//www.youtube.com/embed/ZkbQcayOsc0" frameborder="0" allowfullscreen></iframe></center>
అల్లు అర్జున్ మాట్లాడుతూ ''స్వాతంత్య్ర దినోత్సవం సందర్భంగా ప్రజలకు ఏదైనా మంచి విషయం చెప్తే బాగుంటుందని అనిపించింది. ఆ ఆలోచనలో భాగమే ఈ 'ఐ యామ్ దట్ ఛేంజ్'. సుకుమార్కి ఈ విషయం చెప్పగానే ఒక్క రోజులోనే మంచి కాన్సెప్ట్ రాసుకున్నాడు. అంత వేగంగా కాన్సెప్ట్ చేసేవారిలో సుకుమార్ ఒకరని చెప్పొచ్చు. 'మన కర్తవ్యం నిర్వహించడం కూడా దేశసేవే అవుతుంది' అనేది ఈ లఘుచిత్ర ప్రధానాంశము''అన్నారు.
లఘుచిత్ర నిర్మాణంలో ఇబ్బందులు గురించి చెబుతూ ''నేనో పెద్ద నిర్మాత కొడుకుని. హీరోగా పరిశ్రమలో నాకంటూ పేరు ఉంది. అలాంటి నాకే లఘుచిత్రం తీద్దామంటే ఇబ్బందులు ఎదురయ్యాయి. అలాంటిది మనసులో ఆలోచన, గుండెలో మంచి సినిమా చేయాలనే కోరిక, చేతిలో కెమెరాతో చాలామంది యువత లఘుచిత్రాలు తీస్తున్నారు. వారి పట్టుదలకు, నిబద్ధతకు శిరస్సు వంచి ధన్యవాదాలు తెలుపుతున్నాను'' అన్నారు అల్లు అర్జున్.
సుకుమార్ మాట్లాడుతూ ''బన్నీకి ఎప్పటినుంచో దేశసేవ అనే అంశం మీద లఘుచిత్రం చేయాలని ఉండేది. ఒకరోజు నన్ను పిలిచి 'ఆగస్టు 15 సందర్భంగా ఓ లఘుచిత్రం చేద్దాం సిద్ధంగా ఉండు' అని చెప్పాడు. వెంటనే ఈ అంశంపై కాన్సెప్ట్ సిద్ధం చేసుకున్నాను. నా సినీ జీవితంలో ఆత్మసంతృప్తి అందించిన చిత్రమిది. దీని టైటిల్స్లో 'దర్శకుడు సుకుమార్' అని నా పేరు చూసి గర్వపడుతున్నాను. అల్లు అర్జున్ ఇలాంటి ఆలోచన చేయడం ప్రశంసనీయం'' అన్నారు.
Continue with Google