కేరళ ప్రభుత్వం నుంచి అల్లు అర్జున్‌కు ఆహ్వానం, ఎందుకో తెలుసా?

65 ఏళ్ల నుంచి జరుగుతున్న రేస్

నేహ్రు ట్రోఫీ బోట్ రేసుపేరుతో జరిగే.... ఈ పడవల పోటీ కేరళలో ప్రతి ఏడాది ఓ స్పెషల్ ఎట్రాక్షన్. దాదాపు 65 ఏళ్ల నుంచి ఈ పోటీలు జరుగుతున్నాయి. నవంబర్ 10న 66వ బోట్ రేస్ జరుగబోతోంది.

బన్నీ వస్తే ఆ సందడే వేరు..

ఈ బోటు రేసుకు బన్నీ ప్రత్యేక అతిథిగా హాజరవుతున్న నేపథ్యంలో భారీ సంఖ్యలో అభిమానులు హాజరవుతారని తెలుస్తోంది. అలప్పిలోని పున్నమాడ లేక్‌లో జరిగే ఈ పోటీలో మొత్తం 81 బోట్లు పోటీ పడనున్నట్లు తెలుస్తోంది.

కేరళకు బన్నీ సహాయం

ఇటీవల కేరళలో భారీ వరదలు వచ్చినపుడు అల్లు అర్జున్ తనవంతు సహాయంగా రూ. 25 లక్షలు అందించిన సంగతి తెలిసిందే. ఈ సహాయం బన్నీపై అభిమానుల్లో గౌరవం మరింత పెంచింది.

అల్లు అర్జున్

అల్లు అర్జున్ సినిమాల విషయానికొస్తే.... ‘నా పేరు సూర్య' తర్వాత అఫీషియల్‌గా ఏ సినిమాకు కమిట్ కాలేదు. త్వరలో త్రివిక్రమ్ దర్శకత్వంలో అల్లు అర్జున్ సినిమా ఉండబోతున్నట్లు తెలుస్తోంది.