అల్లు అర్జున్, సుకుమార్ చిత్రం.. బర్త్ డే సందర్భంగా మరో క్రేజీ న్యూస్!

సుకుమార్ దర్శత్వంలో

అల్లు అర్జున్, సుకుమార్ కాంబినేషన్ లో హ్యాట్రిక్ మూవీకి కొన్ని రోజుల క్రితం ప్రకటన వచ్చిన సంగతి తెలిసిందే. రంగస్థలం తర్వాత సుకుమార్ బన్నీని డైరెక్ట్ చేయబోతున్నాడు. ఈ క్రేజీ ప్రాజెక్ట్ గురించి ఇప్పటి నుంచే అభిమానుల్లో ఆసక్తి నెలకొని ఉంది. త్వరలో అల్లు అర్జున్ మాటల మాంత్రికుడు త్రివిక్రమ్ శ్రీనివాస్ దర్శత్వంలో నటించబోతున్నాడు. ఇదిలా ఉండగా యువ దర్శకుడు వేణు శ్రీరామ్ కు కూడా బన్నీ గ్రీన్ సిగ్నల్ ఇచ్చాడు.

క్రేజీ టైటిల్

త్రివిక్రమ్ చిత్రం తర్వాత బన్నీ ముందుగా సుకుమార్ చిత్రాన్ని ప్రారంభిస్తాడా లేక వేణు శ్రీరామ్ చిత్రాన్ని ప్రారంభిస్తాడా అనేది వేచి చూడాలి. కానీ ఈ చిత్రానికి అప్పుడే టైటిల్ కూడా ఖరారు చేశారు. ఐకాన్.. కనబడుటలేదు అనే ఆసక్తికరమైన టైటిల్ ని ప్రకటించారు. దిల్ రాజు ఈ చిత్రాన్ని నిర్మిస్తుండడం విశేషం.

బన్నీకి జోడిగా

సౌత్ లో ప్రస్తుతం రష్మిక మందన పేరు హాట్ టాపిక్ గా మారుతోంది. క్రేజీ చిత్రాలన్నీ ఆమె బుట్టలో పడుతున్నాయి. గీత గోవిందం చిత్రంతో కుర్రాళ్లని మాయ చేసిన రష్మిక ప్రస్తుతం కొన్ని చిత్రాలతో బిజీగా గడుపుతోంది. అల్లు అర్జున్, సుకుమార్ చిత్రంలో హీరోయిన్ గా రష్మికని ఎంపిక చేశారు. ఈ చిత్రం కోసం తాను చాలా ఆసక్తిగా ఎదురుచూస్తున్నట్లు రష్మిక ట్వీట్ చేసింది.

మామా నేను వస్తున్నా... అల్లు అర్జున్ ఫినిషింగ్ టచ్... బరిలోకి స్టైలిష్ స్టార్!

మహేష్ బాబుతో

రంగస్థలం చిత్రం తర్వాత సుకుమార్ మహేష్ బాబుతో ఓ చిత్రం చేయాల్సింది. కానీ అనుకోని కారణాల వలన ఆ చిత్రం ఆగిపోయింది. వెంటనే సుకుమార్ బన్నీ చిత్రాన్ని ప్రకటించాడు. మైత్రి మూవీస్ సంస్థ ఈ చిత్రాన్ని నిర్మించనుంది. బన్నీకి సరిపడే కథని సిద్ధం చేయడంలో సుకుమార్ ప్రస్తుతం నిమగ్నమై ఉన్నాడు.