హోమ్

న్యూస్

అల్లు అర్జున్‌ హీరోగా వస్తున్న తాజా చిత్రం 'వరుడు' షూటింగ్‌ శరవేగంగా జరుపుకుంటోంది. రామోజీ ఫిల్మ్‌ సిటీలో చివరి షెడ్యూల్‌ జరుగుతోంది. అయితే ఈ చిత్రంలో భారీ గ్రాఫిక్స్‌ వాడుతున్నారు. సత్యం నిపునా అనే కంప్యూటర్‌ సంస్థ దీనికి సంబంధించిన గ్రాఫిక్స్‌ రూపొందించనుంది. దీనికోసం 2.75 కోట్ల రూపాయలు ఖర్చు చేయనున్నట్టు వినికిడి. విజువల్‌ ఎఫెక్ట్స్‌తో ఈ చిత్రాన్ని చూసిన వారికి ఓ సరికొత్త అనుభూతి నివ్వాలనేది దర్శకనిర్మాతల ప్లాన్‌.

యూనివర్సల్‌ మీడియాపై డివివి.దానయ్య ఈ చిత్రాన్ని నిర్మిస్తున్నారు. గుణశేఖర్‌ దర్శకత్వం వహిస్తున్నారు. తమిళ్‌ హీరో ఆర్య ఇందులో ప్రతినాయకుడి పాత్ర పోషిస్తున్నారు. ఈ చిత్రం ద్వారా సరికొత్త తార పరిచయం కాబోతుంది. చిత్రాన్ని మార్చి 26 విడుదల చేయడానికి సన్నాహాలు చేస్తున్నారు.