అల్లు అర్జున్ వివాహం లైవ్ గా చూడాలంటే ఆ ఛానెల్ లో ...

అల్లు అర్జున్ వివాహంని మా మూవీస్ లో లైవ్ టెలీకాస్ట్ ఇస్తున్నారు.మార్చి ఆరవ తేదీ రాత్రి ఏడున్నర గంటల నుంచి ఈ ప్రసారం ప్రారంభం కానుంది. తెలుగు సినిమా చరిత్రలో తొలిసారిగా ఇలా ఓ హీరో వివాహాన్ని లైవ్ టెలీకాస్ట్ ఇవ్వటమనేది రికార్డుగా చెప్తున్నారు. ఇక ఇంటర్నెట్ ద్వారా ఈ వివాహాన్ని వీక్షించాలనుకునేవారికి యూ ట్యూబ్ లో మా టీవీ అఫీషియల్ ఛానెల్ ద్వారా రాత్రి ఎనిమిదిన్నర గంటల నుండి ప్రారంభమవుతుంది.

ఇక ఈ సందర్భంగా మార్చి 8న అభిమానుల కోసం ప్రత్యేకంగా రిసెప్షన్‌ను అల్లు అరవింద్ కుటుంబం ఏర్పాటు చేసింది. హైదరాబాద్‌లోని శిల్పకళా వేదికలో జరుగనున్న ఈ కార్యక్రమంలో రాష్ట్రవ్యాప్త అభిమానులు పాల్గొననున్నారు. వీరికోసం ప్రత్యేకంగా మధ్యాహ్న విందును ఏర్పాటు చేస్తున్నారు. ఇబ్రహీంపట్నంలో బిటెక్ చేసి అమెరికాలో ఎమ్మెస్ చేసిన స్నేహారెడ్డి తండ్రికి విద్యాసంస్థలు ఉన్నాయి. అల్లు ఆర్జున్ కు స్నేహారెడ్డితో గత సంవత్సర కాలంగా పరిచయం ఉంది.