ఆనందంలో రంగా రంగ రంగస్థలాన పాట పాడుతున్న అల్లువారబ్బాయి.. క్రేజీ డైరెక్టర్ ఇలా!

కెరీర్ బెస్ట్ పెర్ఫామెన్స్

రాంచరణ్ రంగస్థలం చిత్రంలో కెరీర్ బెస్ట్ పెర్ఫామెన్స్ కనబరిచాడని అంటున్నారు. స్టార్ హీరో హోదాలో వినికిడి లోపం ఉన్న పాత్రలో నటించడం మామూలు విషయం కాదు. కానీ ఆ ఛాలెంజ్ ని చరణ్ అద్భుతంగా స్వీకరించి నెగ్గాడు.

రివ్యూలు అదిరిపోయాయి

తొలి షో నుంచే రంగస్థలం చిత్రానికి యునానిమస్ గా పాజిటివ్ టాక్ మొదలైంది. అందుకు తగ్గట్లుగానే సినీ విమర్శకుల నుంచి రివ్యూలు అదిరిపోయేలా ఉన్నాయి.సినీ ప్రముఖులు సైతం రాంచరణ్ నటనకు ఫిదా అవుతున్నారు.

మారుతి రెస్పాన్స్

దర్శకుడు మారుతి రంగస్థలం విజయం పట్ల స్పందించాడు. చిట్టిబాబు పాత్రలో రాంచరణ్ ఇరగదీశాడని ప్రశంసించాడు. సమంత, ఆది పినిశెట్టి నటన అద్భుతంగా ఉందని కొనియాడారు.

ఆనందంలో పాటేసుకున్న అల్లువారబ్బాయి

రంగస్థలం చిత్రం విజయం సాధించిన సంతోషంలో అల్లువారబ్బాయి శిరీష్ పాటేసుకున్నాడు. రంగా రంగ రంగస్థలాన అంటూ సోషల్ మీడియా వేదికగా తన స్పందన తెలియజేసాడు. అన్ని ఏరియాల నుంచి రంగస్థలం చిత్రానికి అద్భుతమైన రిపోర్ట్స్ వస్తున్నాయని శిరీష్ అభిప్రాయ పడ్డాడు.