అల్లు శిరీష్ పై అసభ్యంగా ప్రవర్తించాడని యువతి కేసు

By Srikanya

Published: Sunday, June 9, 2013, 14:34 [IST]

హైదరాబాద్: చిరంజీవి మేనల్లుడు, ప్రముఖ నిర్మాత అల్లు అరవింద్ కుమారుడు అల్లు శిరీష్ జూబ్లిహిల్స్ పోలీస్ స్టేషన్ లో కేసు నమోదు అయ్యింది. ఓ పబ్ లో శనివారం రాత్రి మధ్యం త్రాగి అసభ్యంగా ప్రవర్తించాడని న్యూడిల్లీకి చెందిన యువతి జూబ్లిహిల్స్ పోలీస్ స్టేషన్ లో కంప్లైంట్ చేసింది. దీంతో పోలీసులు కేసు నమోదు చేసారు.

రాధామోహన్ దర్శకత్వంలో ప్రకాష్‌రాజ్ నిర్మించిన 'గౌరవం' సినిమాతో అల్లు శిరీష్ హీరోగా పరిచయమైన విషయం తెలిసిందే. ఈ సినిమా తరువాత శిరీష్ 'కొత్త జంట' ప్రేమకథా చిత్రంలో నటించబోతున్నాడు. ఈరోజుల్లో, బస్టాప్ చిత్రాల ఫేమ్ మారుతి దర్శకుడు. గీతా అర్ట్స్ పతాకంపై బన్నీవాసు ఈ చిత్రాన్ని నిర్మించడానికి సన్నాహాలు చేస్తున్నాడు.

ఇక ఈ చిత్రంలో అల్లు శిరీష్‌కు జోడీగా ఈ చిత్రంలో 'రొటీన్ లవ్‌స్టోరీ' ఫేమ్ రెజీనాను ఎంపిక చేశారు. విభిన్నమైన ప్రేమకథా చిత్రంగా త్వరలోనే సెట్స్‌పైకి రానున్నదని సమాచారం. ఈ చిత్రానికి గ్రేట్ పీపుల్ ఆర్ సెల్ఫిష్ అనే ట్యాగ్ లైన్ పెట్టారు.

అల్లు శిరీష్ దర్శకుడు మాట్లాడుతూ ''శిరీష్‌ హావభావాలకు తగిన కథ ఇది. ప్రతి సన్నివేశం కడుపుబ్బా నవ్విస్తుంది. కొత్తజంటగా శిరీష్‌, రెజీనా ప్రేక్షకుల్ని తప్పకుండా అలరిస్తారు. నా మూడో చిత్రమే గీతా ఆర్ట్స్‌ సంస్థలో చేసే అవకాశం రావడం ఆనందంగా ఉంది''అన్నారు. ''చాలా మంచి కథ ఇది. శిరీష్‌ని తెరపై కొత్తగా చూపించే ప్రయత్నం చేస్తున్నారు మారుతి. ఇంటిల్లిపాదినీ అలరించేలా ఉంటుందీ చిత్రం'' అన్నారు నిర్మాత. ఈ చిత్రానికి ఛాయాగ్రహణం: రిచర్డ్‌ ప్రసాద్‌.

More from Filmibeat