మా అబ్బాయి పాలిటిక్స్ కి..చిరు

By Staff

Published: Sunday, March 15, 2009, 15:41 [IST]

హైదరాబాద్: ఈ ఎన్నికల్లో ప్రజారాజ్యం తరఫున అల్లు అర్జున్ కానీ, రామ్ చరణ్ తేజ గానీ ప్రచారం చేయబోరని ఆపార్టీ అధినేత చిరంజీవి స్పష్టం చేశారు. తెలుగుదేశం తరఫున యువ హీరో జూనియర్ ఎన్టీఆర్ రోడ్ షోలు సూపర్ హిట్ కావడంతో చిరు కుటుంబంలోని యువ హీరోలను రంగంలోకి దింపాలని ప్రజారాజ్యం మేధావులు సూచించగా చిరంజీవి అందుకు వ్యతిరేకత వ్యక్తం చేశారు.

ప్రజారాజ్యం ప్రచారానికి, తాను పవన్ కల్యాణ్ చాలని యువ హీరోల అవసరం లేదని చిరంజీవి భావిస్తున్నారు. నాగబాబు, పవన్ కల్యాణ్ ఈ ఎన్నికల్లో పోటీచేసే అవకాశం లేదు. అల్లు అరవింద్ మాత్రం మచిలీపట్నం నుంచి ఎంపీగా పోటీ చేయాలనుకుంటున్నారు. ఈసారి ఎన్నికల్లో సినిమా గ్లామర్ ఎక్కువవుతోంది. మరీ ఎక్కువైతే జనం సినిమా వాళ్ళని కాకుండా మూమూలు నాయకులను, తమకు అందుబాటులో ఉండే నేతలను ఎన్నుకునే అవకాశముంది.

More from Filmibeat