పవన్ ‘హరిహర వీరమల్లు’పై అనుమానాలు: అందుకే ఆగిపోయిందన్న నిర్మాత.. అసలు మేటర్ రివీల్ చేసేశారుగా!

తొలిసారి అలాంటి సినిమాలో పవన్ కల్యాణ్

పవర్ స్టార్ పవన్ కల్యాణ్.. క్రిష్ జాగర్లమూడితో 'హరిహర వీరమల్లు' అనే సినిమా చేస్తున్న విషయం తెలిసిందే. ఎంతో ప్రతిష్టాత్మకంగా రాబోతున్న ఈ సినిమాను మెగా సూర్య ప్రొడక్షన్స్ బ్యానర్‌పై ఏఎమ్ రత్నం నిర్మిస్తున్నారు. జాక్వెలిన్ ఫెర్నాండేజ్, నిధి అగర్వాల్ హీరోయిన్లుగా చేస్తున్నారు. కీరవాణి సంగీతం అందిస్తున్నారు. ఈ చిత్రంతో తొలిసారి పిరియాడిక్‌ జోనర్‌లో నటిస్తున్నాడు పవన్.

అప్పటి సెట్టింగ్‌లు.. సినిమా బడ్జెట్ ఎంతంటే

'హరిహర వీరమల్లు' మూవీ మొగల్ సామ్రాజ్యం నాటి కథతో తెరకెక్కుతోంది. దీని కోసం చార్మినార్, ఎర్రకోటతో పాటు మొగలాయీల సామ్రాజ్యపు ప్రాంగణాన్ని నిర్మించబోతున్నారట. ఇక ఈ సినిమా కోసం ఏకంగా రూ. 180 కోట్ల వరకూ ఖర్చు చేయబోతున్నారని తెలుస్తోంది. కోహినూర్ డైమండ్ చుట్టూ తిరిగే ఈ సినిమాను తెలుగు, తమిళం, మలయాళం, హిందీ భాషల్లో రూపొందిస్తున్నారు.

సినిమా కోసం సాహసాలు.. పవన్ దూకుడు

ఎంతో ప్రతిష్టాత్మకంగా రూపొందుతోన్న 'హరిహర వీరమల్లు'లో పవన్ కల్యాణ్ వజ్రాల దొంగగా నటిస్తున్నాడు. అందుకే ఈ మూవీ కోసం అతడు గుర్రపు స్వారీతో పాటు కత్తి, కర్రసాములు కూడా చేయబోతున్నాడని అంటున్నారు. అంతేకాదు, అతనకెంతో ఇష్టమైన గన్ షూటింగ్ కూడా ఇందులో ఉంటుందని తెలుస్తోంది. ఇక, ఈ సినిమా కోసం పవన్ కొన్ని రిస్కీ షాట్స్ కూడా చేస్తున్నాడట.

టైటిల్ వీడియో విడుదల... భారీ స్పందనతో

వాస్తవానికి క్రిష్ జాగర్లమూడి - పవన్ కల్యాణ్ కాంబినేషన్‌లో రాబోతున్న ఈ సినిమాకు మొదట్లో 'విరూపాక్ష' అనే టైటిల్ అనుకున్నారు. కానీ, దీనికి 'హరిహర వీరమల్లు' అనే టైటిల్ ఫిక్స్ చేశారు. దీనికి సంబంధించిన వీడియోను మహా శివరాత్రి సందర్భంగా గురువారం విడుదల చేశారు. ఈ టైటిల్ గ్లిమ్స్‌కు ఊహించని రీతిలో స్పందన రావడంతో ఎన్నో రికార్డులు బద్దలైపోయాయి.

పవన్ ‘హరిహర వీరమల్లు'పై అనుమానాలు

ఇటీవలే పవన్ కల్యాణ్ 'వకీల్ సాబ్' మూవీతో ప్రేక్షకుల ముందుకు వచ్చారు. దీనికి మంచి రెస్పాన్స్ వచ్చినా కరోనా వల్ల ఇబ్బందులు వచ్చాయి. ఆ తర్వాత ఆయన కరోనా బారిన పడడంతో పాటు దాని ప్రభావం ఎక్కువగా ఉండడంతో షూటింగులు కూడా ఆగిపోయాయి. దీంతో క్రిష్ తెరకెక్కిస్తోన్న 'హరిహర వీరమల్లు' మూవీ రిలీజ్‌పై అప్పుడే అనుమానాలు వ్యక్తం అవుతున్నాయి.

Recommended Video

Allu Arjun Tests COVID-Positive, In Home Quarantine | Filmibeat telugu

అసలు మేటర్ రివీల్ చేసేసిన సినిమా నిర్మాత

నిన్నటితో 'ఖుషీ' మూవీ 20 ఏళ్లు పూర్తి చేసుకుంది. ఈ సందర్భంగా నిర్మాత ఏఎమ్ రత్నం మీడియాతో మాట్లాడారు. ఈ క్రమంలోనే 'వీరమల్లు' రిలీజ్‌పై క్లారిటీ ఇచ్చారు. 'కరోనా వల్ల షూటింగ్ ఆపేశాం. త్వరలోనే ఇది మళ్లీ మొదలు పెడతాం. మాకు చాలా సమయం ఉంది కాబట్టి.. కచ్చితంగా దీన్ని సంక్రాంతికే విడుదల చేస్తాం. అందులో ఏ మార్పూ ఉండదు' అంటూ చెప్పుకొచ్చారు.