సినిమా బిజీలో అమల

By Staff

Published: Thursday, March 12, 2026, 21:20 [IST]

ఒకప్పటి నటి,నాగార్జున భార్య అయిన అమల ఇప్పుడు ఓ సినిమా తీయాలని సంకల్పిస్తోందిట. వివాహమైన దగ్గరనుండి నటనకు దూరంగా ఉన్న ఈమె ఈ సినిమాలో కనపడే అవకాశం కూడా ఉందిట. ఇంతకీ ఈ సినిమా స్పెషల్ యేమిటంటే కథ మొత్తం అంతరించిపోతున్న రకరకాల పశు పక్ష్యాదుల ను సంరక్షించాలని సామాన్యులకు సందేశమిస్తూ కదులుతుందిట. అహింసా దినోత్సవం సందర్భంగా ఆమె ఈ నిర్ణయాన్ని ప్రకటించి ఆ పనుల్లో బిజీగా ఉందిట. అసలు పెళ్ళయిన దగ్గరనుంచి అమల పశు సంక్షేమ కార్యక్రమాల్ని విస్తృతంగా చేపడుతోంది. ఆ పనుల్లోనే నిరంతరం నిమగ్నమై ఉంటోంది. జీవ హింస తప్పనే ప్రచారం అందులో ప్రథాన అంశం.

కాని ఎంతగా ప్రచారం చేస్తున్నా సరైన దిసలో స్పందన ఉండటం లేదు. అందుకే ఎక్కువ మందిని చేరేందుకు సినిమాని మీడియంగా ఎన్నుకుందిట. అంతే గాక ఈ కాన్సెప్ట్ భావి తరాలని సైతం ప్రభవితం చెయ్యాలనే పట్టదలతో చేస్తోందిట. ఆలోచన మంచిదే గాని సినిమాలో జంతువులని చూపరాదని కండీషన్ ఈ సినిమాకి వర్తించదా? పోనీ ఎలాగో అలాగ సినిమా పూర్తి చేసినా డబ్బు పెట్టి ధియోటర్ కొచ్చిఇటువంటివి చూస్తారా అని సందేహం వెళ్ళబుచ్చుతున్నారు కొందరు .ఈ నిరాసవాదుల మాటలు ప్రక్కన పెడితే గతంలో 'మాకూ స్వాతంత్ర్యం కావాలి' అంటా జంతు సంరక్షణ ప్రథాన చిత్రం వచ్చి బాగానే ఆడింది. కాబట్టి అమల గొ ఎ హెడ్!

More from Filmibeat