twitter
    For Quick Alerts
    ALLOW NOTIFICATIONS  
    For Daily Alerts

    అదే నా ఫస్ట్ క్రష్‌ : అమలా పాల్

    By Srikanya
    |

    హైదరాబాద్ : చిన్నప్పుడు ఓ కుర్రాడికి ఆకర్షితురాలినయ్యేదాన్ని. దాన్నే ఫస్ట్‌క్రష్‌ అనుకోవచ్చు. మా అన్నయ్య స్నేహితుడు ఒకడుండేవాడు... మాంచి హైటు. మంచి డ్రెస్సులు కూడా వేసుకునేవాడు. ఆ అబ్బాయి అంటే ఇష్టమో ఏదో అనిపించేది అంటూ తన ఫస్ట్ క్రష్ గురించి చెప్పుకొచ్చింది అమలా పాల్.

    ఇక హీరోయిన్‌ అయ్యాక ఎంతోమంది నన్ను అభిమానిస్తున్నారు. విదేశాలకు వెళ్లినా కూడా ఆటోగ్రాఫ్‌ కావాలంటూ చాలామంది పలకరిస్తుంటారు. కానీ, ఒక అభిమాని ఉన్నాడు... అతడిది ఏ వూరో తెలియదుగానీ ఏకంగా నాకోసం ఓసారి అమెరికా వచ్చేశాడు. ఆ విషయం అతడు చెబితే ఆశ్చర్యమేసింది. ఒక ఫొటో తీయించుకుని వెళ్లిపోయాడు అంది.

    ఇప్పుడు మనుషులంటే భయం వేస్తోంది... నిజంగానే... ఎంతమంది జనంలో ఉన్నా కొంతమంది అదోలా నన్ను చూస్తుంటారు. చూపులతోనే తినేస్తామన్నట్టు ప్రవర్తిస్తుంటారు. అలాంటివారంటే చాలా భయం. నా ఎదురుగా ఉన్న వ్యక్తి కాస్త తేడాగా చూస్తున్నాడు అని తెలియగానే... అక్కణ్నుంచి వెళ్లిపోతాను అంటోంది అమలా పాల్.

    ఇక దర్శకుడుగా యశ్‌చోప్రా అంటే చాలా గౌరవం. ఆయన దర్శకత్వం వహించిన చిత్రాలన్నీ చూశాను. ఆయన దర్శకత్వంలో నటించాలని ఓ కల ఉండేది. యశ్‌జీ మరణించారని తెలిసి చాలా బాధపడ్డాను అంటూ చెప్తున్న అమల..తాజాగా పూరీ దర్శకత్వంలో ఇద్దరమ్మాయిల తో చిత్రం చేస్తోంది.

    ఇద్దరమ్మాయిలతో' సినిమా కోసం అల్లు అర్జున్‌తో కలిసి నటిస్తోంది. తన సినీ ప్రయాణం అనుకొన్నదానికంటే గొప్పగా ఉందని అంటోంది. మంచి వ్యక్తులతో పనిచేసే అవకాశం వస్తోంది. తెలుగులో తొలి అడుగులు వేస్తున్న దశలోనే రామ్‌చరణ్‌, అల్లు అర్జున్‌ సినిమాల్లో నటించే అవకాశం వచ్చింది అని మురసిపోతూ చెప్పింది.

    English summary
    Amala Paul says that her first crush is his brothers friend. present she is acting in Allu Arjun’s fourth coming film ‘Iddarammaayilatho’ directed by Puri Jagannath.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X