బిజినెస్ లోకి దిగుతున్న అమలా పాల్

By Srikanya

Published: Thursday, January 9, 2014, 8:57 [IST]

హైదరాబాద్ : హీరోయిన్స్ కేవలం సినీ ప్రపంచాన్ని మాత్రమే నమ్ముకోవడం లేదు. తమ తెలివితో ఇక్కడ సంపాదించిన పేరునే పెట్టుబడిగా పెట్టి మరో రంగంలో రాణించే ప్రయత్నం చేస్తున్నారు. ఎంతోమంది ఇప్పటికే రకరకాల వ్యాపారాలు చేస్తున్నారు. అవగాహన లేని రంగంలోకి వెళ్లి కొద్దిమంది చేతులు కాల్చుకుంటే, మరికొద్ది మంది మాత్రం విజయం సాధించి రెండు చేతులా సంపాదిస్తున్నారు. ఇప్పుడు కేరళ కుట్టి అమలాపాల్‌ కూడా అలా వ్యాపార రంగంలోకి అడుగుపెట్టాలని నిర్ణయించుకొంది. తన సన్నిహితులతో కలిసి ప్రణాళికలు రచిస్తోంది. చెన్నైలోనే ఆ వ్యాపారాన్ని మొదలుపెట్టబోతోందని తెలుస్తోంది. ఆ విషయాన్ని అమలాపాల్‌ కూడా ధృవీకరిస్తోంది.

అమలా పాల్ మాట్లాడుతూ... ''ఎప్పట్నుంచో ఆ ఆలోచన ఉంది. ఏదో పక్కన ఓ వ్యాపారం ఉండాలి అన్నట్టు కాకుండా... ధ్యాసంతా దానిపైనే పెట్టి అభివృద్ధి చేయాలనుకొంటున్నా. అయితే ఏ వ్యాపారంలోకి వెళ్లాలన్నది మాత్రం ఇంకా నిర్ణయించుకోలేదు. 'ప్రేమఖైదీ' విడుదలయ్యాక స్నేహితులతో కలిసి ఓ చిన్న హోటల్‌ని ప్రారంభించే ప్రయత్నం చేశాను. కొన్ని కారణాలవల్ల చివరి దశలో ఆగిపోవాల్సి వచ్చింది. ఈసారి మాత్రం పక్కాగా అన్నీ సిద్ధం చేసుకొని అడుగేస్తా. నాకు స్నేహితులు, కుటుంబ సభ్యుల నుంచి అన్నివిధాలా ప్రోత్సాహం లభిస్తోంది''అని చెప్పింది ‌.

ఆమె తెలుగులో నటించిన 'జెండాపై కపిరాజు' త్వరలోనే ప్రేక్షకుల ముందుకు రాబోతోంది. నాని ద్విపాత్రాభినయం చేస్తున్న చిత్రం 'జెండాపై కపిరాజు'. తొలిసారిగా నాని ద్వి పాత్రాభినయం చేస్తున్నారు. అయితే ఇందులో తండ్రిగానూ,కొడుకు గానూ నాని కనిపసిస్తాడని తెలుస్తోంది. ఈ రెండు పాత్రల్లో తండ్రి పాత్ర నెగిటివ్ షేడ్స్ ఉన్న పాత్ర అని ఫిల్మ్ నగర్ సమాచారం. బట్టతలతో ,45 సంవత్సరాల పెద్దాయనగా కనిపిస్తాడు.

నాని మాట్లాడుతూ... గెలుపంటే అతడికి ఇష్టం. అయితే ఎదుటివాడిని ఓడించేందుకు ముందు తనపై తాను గెలవాలనుకొంటాడు. అదే సిసలైన విజయమని నమ్ముతాడు. ఆ కథేమిటో తెలియాలంటే మా చిత్రం చూడాల్సిందే అన్నారు. తాను ఇప్పటి వరకు చేసిన సినిమాలకు భిన్నంగా ఈ చిత్రంలో తన క్యారెక్టర్ ఛాలెంజింగ్‌గా ఉంటుందని, చెడు మీద సాగించే యుద్దమే ఈచిత్రం..అందుకే 'జెండాపై కపిరాజు' అనే టైటిల్ పెట్టినట్లు తెలిపారు.

More from Filmibeat