హోమ్

న్యూస్

అనేక వివాదాలు, మూడేళ్ళ గ్యాప్ తరువాత అమలాపాల్ ఎట్టకేలకు తెలుగులో నటించడానికి సిద్ధం అవుతోంది.అమలాపాల్ తెలుగులో నటించిన చివరి చిత్రం జెండాపై కపిరాజు. ఈ చిత్రం తరువాత అమల తెలుగులో తిరిగి నటించలేదు. లేడికి లేచిందే పరుగు అన్నట్లుగా తెలుగులో మూడేళ్ళ పాటు ఒక సినిమా కూడా చేయని అమలాపాల్ కు ఇప్పుడు ఏకంగా రెండు క్రేజీ మూవీస్ లో ఆఫర్ దక్కినట్లు తెలుస్తోంది.

వెంకటేష్ ఎఫ్2 అనే చిత్రంలో నటిచడానికి రెడీ అవుతున్నాడు. ఈ చిత్రానికి అనిల్ రావిపూడి దర్శకుడు. మల్టి స్టారర్ చిత్రంగా రూపొందే ఈ చిత్రంలో మరో హీరోగా వరుణ్ తేజ్ నటించనున్నట్లు తెలుస్తోంది.ఈ చిత్రం వెంకీకి జోడిగా అమలాపాల్ ని ఎంపిక చేసినట్లు వార్తలు వస్తున్నాయి.

నాగార్జున, నాని లతో మరో మల్టీస్టారర్ చిత్రం రెడీ అవుతున్న సంగతి తెలిసిందే. ఈ చిత్రానికి కూడా హీరోయిన్ గా అమలాపాల్ నే అనుకుంటున్నారట. ఈ రెండు మల్టి స్టారర్ చిత్రాలపై అభిమానుల్లో ఇప్పటి నుంచే అంచనాలు మొదలయ్యాయి.ఈ క్రేజీ మూవీస్ లో అమల ఛాన్స్ దక్కించుకుంది. దీనిపై రెండు చిత్రాల యూనిట్ నుంచి అధికారిక ప్రకటన రావలసిఉంది.