ఫోన్ చేసి గెస్ట్‌హౌస్‌కు రమ్మన్నారు.. వాళ్లను నమ్మి కోట్లు పోగొట్టుకొన్నా.. ఆమని

అలా మాట్లాడితే నమ్మేస్తాను

నాతో ఎవరన్నా ప్రేమగా మాట్లాడితే వాళ్లను నమ్మేస్తాను. దానిని కొందరు అదునుగా తీసుకొన్నారు. అలా కొందర్ని నమ్మి కోట్లు పోగొట్టుకున్నాను. తెలుగు చిత్ర పరిశ్రమకు మరోసారి పరిచయం కావడం సంతోషంగా ఉంది. హీరోయిన్‌గా ఉన్నప్పుడు కంటే క్యారెక్టర్ ఆర్టిస్టుగా ప్రాధాన్యత తక్కువగా ఉంటుంది అని తెలిపారు.

క్యాస్టింగ్ కౌచ్‌పై సెన్సేషనల్

వేషాల కోసం పడకగదిలోకి (క్యాస్టింగ్ కౌచ్) అంశంపై ఆమని సంచలన వ్యాఖ్యలు చేశారు. నా కెరీర్ ఆరంభంలో కొత్త ప్రొడక్షన్ ఆఫీసుల నుంచి ఫోన్ కాల్స్ వచ్చేవి. సాధారణంగా నేను నా తల్లితో కలిసి ఆడిషన్స్ వెళ్లే దానిని. అయితే వాళ్లు ఫోన్ చేసి నా తల్లిని వెంటపెట్టుకోకుండా గెస్ట్ హౌస్‌కు రమ్మని చెప్పేవారు అని ఆమని తెలిపారు.

చాలాసార్లు అలాంటి ఫోన్ కాల్స్

ఏదో దురుద్దేశంతో ఫోన్ కాల్స్ చేసేవారిని వెంటనే గుర్తు పట్టేదానిని. దాంతో కొన్ని జాగ్రత్తలు తీసుకోవడం ద్వారా అలాంటి ముప్పులో చిక్కుకోలేదు. చాలాసార్లు ఇలాంటి ఫోన్స్ కాల్స్ బారిన పడ్డాను అని ఆమని తెలిపారు. వెండి తెర మీద నేను అందంగా కనిపించకపోవడం, అందగత్తెను కాకపోవడంతో అలాంటి అనుభవాలు ఎదురుకాలేదు అని అమని ఓ ప్రశ్నకు సమాధానం ఇచ్చారు.

ఫ్యామిలీ ఆడియెన్స్ నుంచి

నేను నటించిన చిత్రాల కారణంగా నాకు ఫ్యామిలీ ఆడియెన్స్ నుంచి మంచి స్పందన ఉండేది. ఎస్వీ కృష్ణారెడ్డి, బాపు లాంటి సీనియర్ డైరెక్టర్లు నన్న చక్కగా చూసుకొనే వారు. కొత్త నిర్మాతల తోనే క్యాస్టింగ్ కౌచ్ లాంటి సమస్యలు వచ్చేవి అని ఆమని వెల్లడించారు.