అమర్ అక్బర్ ఆంటోని ప్రీ రిలీజ్ రివ్యూ: రవితేజ, శ్రీనువైట్ల జాక్‌పాట్ కొట్టే..

Recommended Video

Amar Akbar Anthony Movie News Gets A Surprise News | Filmibeat Telugu

హైలెట్‌గా రవితేజ ఎనర్టీ

అమర్ అక్బర్ ఆంటోని సినిమా విషయానికి వస్తే హీరో రవితేజ ఎనర్జీ హైలెట్ కానున్నది. టీజర్లు, ట్రైలర్లలో మాస్ మహారాజా చేసిన వినోద హంగామా ఆకట్టుకొంటున్నది. రవితేజ, శ్రీనువైట్ల మార్కు కామెడీ ప్రేక్షకులను సినిమాకు రప్పించే విధంగా మారింది.

మాస్ మహారాజా ట్రిపుల్ రోల్

మాస్ మహారాజా రవితేజ మొదటిసారి త్రిపాత్రాభినయం చేస్తున్నాడు. అమర్ అక్బర్ ఆంటోని పాత్రలతో హల్‌చల్ చేయనున్నాడు. క్లాస్ మాస్ అంశాలను మేలవించి ప్రేక్షకులను కనువిందు చేసే ప్రయత్నం చేశాడనే విషయం అర్ధమవుతుంది. శ్రీనువైట్లతో కాంబినేషన్ సినిమాకు మరో ఆకర్షణ అని చెప్పవచ్చు.

ఇలియానా గ్లామర్

అమర్ అక్బర్ ఆంటోని చిత్రం ద్వారా ఇలియానా టాలీవుడ్‌లో రీ ఎంట్రీ ఇస్తున్నది. అత్యధిక పారితోషికం అందుకొనే సమయంలోనే బాలీవుడ్‌కు తరలి వెళ్లింది. మళ్లీ ఆరేళ్ల తర్వాత తెలుగు సినిమాలో నటించింది. ఇలియానా గ్లామర్, నటన సినిమాకు స్పెషల్ ఎట్రాక్షన్ చెబుతున్నారు.

రూటు మార్చిన శ్రీనువైట్ల

ఇక శ్రీనువైట్ల మూస ధోరణి మార్కును వదిలి సరికొత్త సబ్జెక్ట్‌తో అమర్ అక్బర్ ఆంటోనిని తెరకెక్కించినట్టు స్పష్టమవుతున్నది. కథ, కథనాల్లో వైవిధ్యం సినిమాకు ప్లస్ అయ్యే అవకాశం ఉంది. అమర్ అక్బర్ ఆంటోని చిత్రం శ్రీను వైట్ల కెరీర్‌ను మలుపు తిప్పే అంశంగా మారింది. శ్రీను వైట్ల సక్సెస్ అందుకొంటాడా అనే ఉత్సుకత ప్రేక్షకుల్లో పెరిగింది.

స్పెషల్ ఎట్రాక్షన్‌గా తమన్

ఎస్ తమన్ అందిస్తున్న సంగీతం ఇటీవల కాలంలో డిఫెరెంట్ మార్కు కనిపిస్తున్నది. భాగమతి, అరవింద సమేత చిత్రాలకు అందించిన బీజీయం, పాటలకు మంచి రెస్పాన్స్ వచ్చింది. ఈ చిత్రంలో డాన్ బాస్కో పాట ఇప్పటికే ప్రజాదరణ పొందింది. ఖుల్లం ఖుల్లా చిల్లా అనే పాట మాస్ బీట్‌తో సాగింది. కాల భైరవ పాడిన పాట గుప్పెట పాట కూడా విశేషంగా ఆకట్టుకొంటున్నది.

సునీల్, సత్య, వెన్నెల కిషోర్ కామెడీ

రవితేజ అందించే వినోదంతోపాటు సునీల్, సత్య, వెన్నెల కిషోర్ అందించే కామెడీ బోనస్‌గా చెప్పుకొంటున్నారు. ముఖ్యంగా సత్య చేసే కామెడీ నాకు బాగా నచ్చిందని స్వయంగా రవితేజ చెప్పడం గమనార్హం. వినోదం, మాస్ ఎలిమెంట్స్ తదితర అంశాలు అమర్ అక్బర్ ఆంటోనికి అదనపు ఆకర్షణగా మారితే సినిమా సక్సెస్ బాట పట్టే అవకాశం ఉంది.