హాట్ టాపిక్: చిరంజీవికి దెబ్బేసిన బడా సంస్థ.. ‘సైరా’ పూర్ రిజల్ట్‌కు అసలు కారణం ఇదే.!

ఏదో అనుకుంటే ఇంకోదే అయిపోయింది

మెగాస్టార్ చిరంజీవి.. సురేందర్ రెడ్డి కాంబోలో వచ్చిన చిత్రమే ‘సైరా: నరసింహారెడ్డి'. స్వాతంత్ర్య సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా వచ్చిన ఈ సినిమాను రామ్ చరణ్ నిర్మించాడు. ఇందులో ఎంతో మంది ఫేమస్ యాక్టర్లు నటించారు. ఎన్నో అంచనాలతో విడుదలైన ఈ సినిమా బాక్సాఫీస్ ముందు బోల్తా కొట్టింది.

కలెక్షన్లు వచ్చినా నష్టాలు తప్పలేదు

ఎన్నో అంచనాల నడుమ పలు భాషల్లో విడుదలైన ‘సైరా' కలెక్షన్ల పరంగా భారీ నష్టాలనే మిగిల్చిందని ప్రచారం జరిగింది. మొత్తంగా అన్ని ఏరియాల్లో కలిపి ఈ చిత్రం రూ.152.9 కోట్లు థియేట్రికల్ బిజినెస్ నమోదు చేసుకుంది. అయితే, ఈ మూవీ క్లోజింగ్ బిజినెస్ రూ.133 కోట్ల వద్ద ఆగిపోవడంతో దాదాపు రూ. 20 కోట్లకు పైగా నష్టం వచ్చినట్లు ట్రేడ్ పండితులు వెల్లడించారు.

అక్కడ సూపర్ హిట్ అయిన సైరా

మెగాస్టార్ సినిమానే అయినా.. థియేటర్‌లో ‘సైరా'ను చూసేందుకు తెలుగు ప్రేక్షకులు అంతగా ఆసక్తి చూపించలేదు. కానీ, డిజిటల్ మీడియా దిగ్గజం అమెజాన్ ప్రైమ్ వీడియోలో మాత్రం ఈ సినిమాకు భారీ స్థాయిలో రెస్పాన్స్ వచ్చింది. చాలా మంది ఈ సినిమాను క్లిక్ చేశారని తెలిసింది. ఈ సినిమాను అమెజాన్ భారీ మొత్తానికి కొనుగోలు చేసిందని సమాచారం.

చిరు రికార్డు.. ఏకైక హీరోగా ఘనత

ఇదే సినిమా తమిళంలోనూ రూపొందిన విషయం తెలిసిందే. ఇటీవల ‘సైరా: నరసింహారెడ్డి' తమిళ వెర్షన్ టెలివిజన్ ప్రీమియర్‌గా ప్రసారం అయింది. దీనికి భారీ స్థాయిలో 15.4 టీఆర్పీ వచ్చింది. గతంలో ఏ తెలుగు హీరో సినిమాకూ ఇంత రేటింగ్ రాలేదు. దీంతో చిరు ఖాతాలో అరుదైన రికార్డు వచ్చి చేరింది. బాహుబలి కూడా దీని దరిదాపుల్లో లేకపోవడం గమనార్హం.

Recommended Video

MAA Controversy : Chiranjeevi and Rajashekar spar at MAA Dairy 2020 Launch

చిరంజీవికి దెబ్బేసిన బడా సంస్థ

ఇక, ఈ సినిమా తెలుగు వెర్షన్‌ను సంక్రాంతి కానుకగా ప్రముఖ చానెల్‌లో టెలివిజన్ ప్రీమియర్‌గా వేశారు. దీనికి చాలా తక్కువగా రేటింగ్ నమోదైంది. తాజాగా అందిన సమాచారం ప్రకారం.. ఈ సినిమాకు 11.8 రేటింగ్ వచ్చింది. ఇది తమిళ వెర్షన్ కంటే తక్కువే. ఈ సినిమాకు తక్కువ రేటింగ్ రావడానికి అమెజాన్ ప్రైమ్ కారణమని విశ్లేషకులు అభిప్రాయపడుతున్నారు.