మీ ముగ్గురు తప్ప మరొకరు సినిమా చూడరేమో... ఆర్జీవికి అమితాబ్ షాక్.. ఆ సినిమా ఏదంటే..

| Updated: Friday, April 12, 2019, 20:05 [IST]

బాలీవుడ్‌ సూపర్‌స్టార్ అమితాబ్‌తో ప్రముఖ దర్శకుడు రాంగోపాల్ వర్మ కేక పెట్టించే సినిమాలు తీశారు.. అదే సమయంలో షోలే, నిశ్శబ్ద్, సర్కార్ 3 లాంటి చెత్త మూవీస్ తీసి అభాసుపాలయ్యాడు. అయితే అమితాబ్‌తో ఓ హిందీ సినిమా తీసే సమయంలో ఆ చిత్ర విజయం గురించి అమితాబ్ ముందే ఊహించడంట. తాజాగా నంబర్ 1 యారీ అనే కార్యక్రమంలో రానా దగ్గుబాటి ఆ విషయాన్ని వెల్లడించారు. ఇంతకు ఆ సినిమా గురించి రానా ఏం చెప్పారంటే..

లీడర్ తర్వాత హిందీలో

లీడర్ తర్వాత నాకు హిందీలో అవకాశం వచ్చింది. అదీ రాంగోపాల్ వర్మ సినిమా కావడంతో ఎగిరి గంతేసినంత పనిచేసి ముంబైలో వాలిపోయాను. ఆ చిత్రంలో అమితాబ్ బచ్చన్, సంజయ్ దత్, అభిమన్యు సింగ్, మంచు లక్ష్మీ లాంటి ఉండటంతో సినిమా బ్రహ్మండంగా ఉంటుందనే ధీమాతో ఉన్నాను అని రానా చెప్పారు.

డిపార్ట్‌మెంట్ షూటింగ్‌లో అమితాబ్

భారీగా అగ్రతారలతో రాంగోపాల్ వర్మ తెరకెక్కించిన సినిమా డిపార్ట్‌మెంట్. ఆ సినిమా షూటింగ్ జరుగుతుండగా వర్మకు అమితాబ్ బచ్చన్ ఓ మాట చెప్పాడు. వర్మ గారు.. ఈ సినిమా రిలీజ్ తర్వాత నీవు, మీ ఆఫీస్ బాయ్, ఆ పక్కనే ఉన్న మరో వ్యక్తిని చూపిస్తూ.. మీ ముగ్గురు మాత్రమే చూస్తారేమో అని అన్నారు. దాంతో నేను షాక్ తిన్నాను అని రానా తెలిపారు.

బిగ్ బీ చెప్పినట్టే ఆ సినిమా

అయితే డిపార్ట్‌మెంట్ సినిమా చూసిన తర్వాత అమితాబ్ చెప్పినట్టే జరిగింది. ఆ సినిమా దారుణంగా బోల్తా కొట్టింది. కనీసం వర్మ కూడా ఆ సినిమా చూసి ఉండరు అని నేను అనుకొంటాను. ఆ సినిమా నాకు హిందీలో ఓ షాక్ కొట్టించిన సినిమా అని రానా అన్నారు.

బాక్సాఫీస్ వద్ద దారుణంగా బోల్తా

డిపార్ట్‌మెంట్ చిత్రాన్ని వర్మ దాదాపు 32 కోట్లతో తెరకెక్కించారు. అయితే ఆ సినిమా బాక్సాఫీస్ వద్ద దారుణంగా బురిడి కొట్టింది. అయినా వర్మ అంటే అమితాబ్‌కు నమ్మకం పోలేదు. తాజాగా మరోసారి సర్కార్ 3 అనే సినిమాను ఆయనతో తీశాడు. ఆ సినిమా కూడా పెద్దగా ప్రేక్షకాదరణ పొందలేకపోయింది.

Comments

English summary

Amitabh Bachchan made serious comments on Ram Gopal Varma's Department movie. Rana shares Big comments with RGV. Rana told that Amitabh was not confident of Department.