హీరో గారి 'గన్‌' గందరగోళం

By Staff

Published: Monday, December 8, 2008, 9:38 [IST]

ముంబై దాడులతో తాను తలగడ కింద తుపాకీ పెట్టుకుని పడుకుంటున్నానని చెప్పిన బిగ్‌బీ అమితాబ్‌ వారం తిరగకుండానే కొద్దిసేపు నిన్న(ఆదివారం)సాయింత్ర ఈ గన్‌ గందరగోళం సృష్టించారు. పుణేకు వెళ్లేందుకు ఉదయం జెట్‌ ఎయిర్‌వేస్‌ విమానం ఆయన ఎక్కాల్సి ఉంది.అయితే ఆయన వద్ద ఉన్న పిస్టల్‌కు సరైన పత్రాలను చూపలేకపొవంటతో అధికారులు ఆపుచేసారు. పిస్టల్‌పై ఉన్న డిజిట్స్‌కు, లైసెన్స్‌ నెంబర్‌కు సంబంధం లేకపోవడంతో అధికారులు దీనిని తీవ్రంగానే పరిగణించారు.

లైసెన్స్‌ సరిగ్గాలేని గన్‌తో విమాన ప్రయాణానికి రావడం, ఘటన తరువాత అధికారులు దీనిని సీఐఎస్‌ఎఫ్‌కు కానీ స్థానిక పోలీసులకు కానీ తెలియచేయకపోవడం వివాదాస్పదమైంది.ఛివరకు లైసెన్స్‌ నెంబర్‌ విషయంలో ఏదో పొరపాటు జరిగి ఉంటుందని అమితాబ్‌ జరిగినదానికి క్షమాపణలు కోరాడని, అధికారులు తెలిపారు. చివరికి ఈ పిస్టల్‌ను అమితాబ్‌ తన సెక్రెటరీకిచ్చి ఇంటికి పంపించి తాను విమానంలో వెళ్లిపొయాడు. అమితాబ్‌కు ఉన్న వేరే పిస్టల్స్‌ పత్రాలు పొరపాటుగా వెంటతెచ్చుకోవడంతో లైసెన్స్‌ నెంబర్‌ సరిపోలేదని అధికారులు ఓ నిర్థారణకు వచ్చారు.

More from Filmibeat