హోమ్

న్యూస్

అమితాబ్,శ్రీదేవి లు జంటగా 18 ఏళ్ల క్రితం నటించిన సినిమా 'ఖుదాగవా ' అప్పట్లో ఈ చిత్రం బాక్స్ ఆఫీసువద్ద కలెక్షన్ ల రికార్డు బద్దలు కొట్టిన సంగతి తెలిసిందే.ఆ సినిమాలొ అమితాబ్,శ్రీదేవి లు అత్యద్భుతంగా నటించి అశేష ప్రేక్షకుల మన్ననలు పొంది హిట్ పెయిర్ గా చిత్ర పరిశ్రమలో చెరగని స్థానాన్ని ఏర్పరుచుకొన్నారు. ఆ తర్వాత శ్రీదేవి పెళ్లి చేసుకుని జీవితంలో స్థిరపడిపోయింది. అయితే ఇంతకీ ఈ విశేషాలు ఎందుకు చెబుతున్నామంటే తిరిగి ఇప్పుడు వీరిద్దరూ తెరపై సందడి చేయడానికి సిద్దమయ్యారు.ఫిలింవర్గాల వివరాలప్రకారం దర్శకుడు ఆర్.బల్కీ భార్య గౌరీ షిండే దర్శకురాలిగా మారి తెరకెక్కిస్తున్న చిత్రం 'ఇంగ్లీష్ వింగ్లీష్ '.

ఈ చిత్రంలో శ్రీదేవి గృహిణి పాత్రలో నటిస్తున్నారు.ఆమె ఇంట్లో ఇంగ్లీష్ మాట్లాడేందుకు ప్రయత్నించే సన్నివేశాలు ప్రేక్షకులకు నవ్వుతెప్పిస్తాయని దర్శకురాలు చెబుతున్నారు.అటువంటి ఇల్లాలు చివరికి ఇంగ్లిష్ భాషపై పట్టుసాధిస్తుంది. ఒక విధంగా చెప్పాలంటే, ఇది శ్రీదేవి నిజజీవిత కథ అనే చెప్పాలి. శ్రీదేవికి హిందీ వచ్చు కానీ, ఇంగ్లిష్ రాదు!ఇటీవలే అమితాబ్,శ్రీదేవి లు పాల్గొనగా కొన్ని కీలక సన్నివేశాలను తెరకెక్కించారు.గణేష్ హెగ్డే నృత్య దర్శకత్వంలొ నృత్యం కూడా చేసారు.ఈ సందర్బంగా అమితాబ్ మాట్లాడుతూ ఇన్నేళ్ల తర్వాత స్రీదేవితో కలసి నటిస్తున్నాను.నాకు పాత రోజులే గుర్తుకు వస్తున్నాయి.ఆమె లో అప్పటి ఉత్సాహం,వెంటనే స్పందించే గుణాలు ఇప్పటికీ ఏమాత్రం తగ్గలేదని చెప్పారు.