అమ్మ రాజశేఖర్ కిడ్నాప్?

భీభత్నం చిత్ర దర్శకుడు అమ్మ రాజశేఖర్‌ను ఎవరో కిడ్నాప్‌ చేశారంటూ వార్తలు గురువారం రాత్రి గుప్పుమన్నాయి. ఇందునిమిత్తం జూబ్లీహిల్స్‌ ప్రాంతంలో హైడ్రామా నడిచింది. ఇటీవల విడుదలై ఫ్లాఫ్ టాక్ తెచ్చుకున్న బీభత్సం సినిమా విషయంలో తలెత్తిన వివాద పర్యవసానమే దీనికి కారణం అని తెలుస్తోంది. మరో ప్రక్క టీవీ ఛానెల్స్ లో ఇందునిమిత్తం స్కోరింగ్ లు వచ్చి అందరినీ కన్ఫూజ్ చేసాయి. ఇక నిన్న రాత్రి భీబత్సం నిర్మాతలు వివాదాన్ని పరిష్కరించుకునేందుకు రాజశేఖర్ వద్దకు వచ్చారు. ఆ సమయంలో అక్కడ షూటింగ్‌ జరుగుతోంది.

వచ్చినవారు రాజశేఖర్‌ను తమతో తీసుకుని వెళ్లారు. దీంతో షూటింగ్‌లోని వారు పోలీసులకు దర్శకుని కిడ్నాప్‌ చేశారని ఫిర్యాదు చేశారు. వారు అక్కడకు చేరుకున్న తరువాత రాజశేఖర్‌ అక్కడికి వచ్చి కిడ్నాప్‌ చేయలేదని మాట్లాడేందుకు వచ్చారని అనటంతో అంతా సర్దుకుంది. ఇంతకు ముందు కూడా సినిమాలు ప్లాప్ కావటం దర్శకులు అండర్ గ్రౌండ్ కి వెళ్ళటం, కొట్టడం వంటి సంఘటనలు జరగటంతో అంతా కంగారు పడ్డారు. అమ్మ రాజశేఖర్ నృత్య దర్శకుడుగా పేరున్నా రణం హిట్ తో పూర్తి స్ధాయి దర్శకుడుగా మారారు. అనంతరం ఖతర్నాక్, భీభత్సం వంటి భారీ ఫ్లాప్ లిచ్చారు. భీభత్సం హిందీ హిట్ జానీ గద్దర్ పూర్తి కాపీ కావటం మరో విశేషం.