Click it and Unblock the Notifications
గుణ్ణం గంగరాజు కొత్త చిత్రం టైటిల్ ఇదే
హైదరాబాద్ : లిటిల్ సోల్డియర్స్, అమ్మ చెప్పింది వంటి చిత్రాల ద్వారా దర్శకుడుగా తానేంటో ప్రూవ్ చేసిన గుణ్ణం గంగరాజు మరో సారి మెగా ఫోన్ పట్టి... ఓ చిత్రం రూపొందిస్తున్నారు. తమ టీవీ ప్రొడక్షన్స్ అమృతం సీరియల్ నే సినిమా గా మార్చి చేస్తున్నారు. వెన్నెల కిషోర్ ప్రధాన పాత్రలో చేస్తున్న ఈ చిత్రంలో అమృతం టీమ్ ఇంటూరి వాసు(సర్వం),శివన్నారాయణ(అప్పాజీ) కీ రోల్స్ చేస్తున్నారు. ఈ చిత్రానికి చందమామ లో అమృతం అనే టైటిల్ పెట్టారు. ఈ విషయాన్ని గుణ్ణం గంగరాజు ఖరారు చేసి చెప్పారు.
గుణ్ణం గంగరాజు డైరక్ట్ చేసిన జస్ట్ ఎల్లో వారి అమృతం టీవి సీరియల్ తెలుగు వారికి సుపరిచితమే. ఓ హోటల్ చుట్టూ తిరిగే కథలో అల్లుకున్న ఎపిసోడ్స్ తో వారం వారం తెలుగువారిని గిలిగింతలు పెట్టిన ఈ టీవీ సీరియల్ సినిమాగా రానుండటంతో మంచి అంచనాలే ఉన్నాయి.
జస్ట్ యల్లో బ్యానర్, సురేష్ ప్రొడక్షన్స్ కలిపి ఈ చిత్రాన్ని తెరకెక్కించనున్నారని సమాచారం.అలాగే సీరియల్ క్యారెక్టర్స్ కి కొత్త స్టోరీ లైన్ అనుకుని సినిమా చేస్తున్నట్లు తెలుస్తోంది. పూర్తి స్ధాయిలో నవ్వించే చిత్రంగా తయారవుతందని చెప్తున్నారు. త్వరలోనే అఫీషియల్ ఎనౌన్స్ మెంట్ రానుందని వినికిడి.
Continue with Google